Attic Handmade Pasta (已結業)

朋友知我鍾意食手工意粉特登帶我黎呢間餐廳❤️餐廳裝修好靚，而且樓底好高，落地玻璃透光度十足。麵包籃｜牛角包好重牛油味，仲好鬆脆👍🏻另外個個食落似係蕃茄香草Ciabatta，麵包鬆軟帶有陣陣香草味。南瓜忌廉湯｜感覺好似食緊南瓜蓉😋好creamy同埋好鮮甜！凱撒沙律｜見倒成碟都鋪滿芝士碎就覺得好開心😂沙律菜新鮮爽脆，配埋香脆既煙肉片，口感豐富。意式三文魚薄片配檸檬刺山柑油醋｜三文魚有醃製過所以肉質比較札實，但仍然保留鮮味，牆汁酸酸甜甜好fresh👍🏻Carbonara ｜手打意粉煙韌有咬口，有蛋香同麵粉香，同埋超掛汁🤩creamy得黎又唔會太膩，用上意式煙肉入口充滿油香！有機黑舞茸手打意粉｜佢黑舞茸脆嫩爽口，成個意粉都好濃菇味，愛菇之人不能錯過！白色紅乾果蛋糕｜第一次食呢款蛋糕好特別！一層忌廉一層蛋糕，中間仲夾雜左唔同嘅莓乾，食落有淡淡檸檬香味😍伯爵茶奶凍｜伯爵茶味非常濃郁，奶凍好滑身，推介❤️