影片
更多
2025-03-14
40 瀏覽
好味指數😋😋😋😋😋回頭指數 ⭐️⭐️⭐️⭐️開心指數🤗🤗🤗🤗同朋友一齊響元朗準備買外賣去朋友屋企食，路過呢一間外賣小店，見到佢整緊手工pizza，好似好吸引，就決定試吓！🍴煙肉芝士和牛漢堡（$85）見到因為加煙肉都只係加$3 ，就梗係加埋煙肉啦！呢款漢堡做得好出色，M4和牛漢堡扒非常Juicy，好多肉汁流出嚟，煙肉好香脆，佢嘅黑松露蛋黃醬汁同個burger味道好夾，加埋芝麻菜、蕃茄、酸瓜、蘑菇、洋蔥圈，真係大滿足！呢個漢堡仲配有薯條，炸得非常香脆，而且個調味亦都令人食到停唔到落嚟～🍴招牌食肉獸手工薄餅（$125）望住佢整我哋個pizza嘅手藝非常純熟，一推一拉好有功架！佢哋做嘅手工pizza係薄嘅，個邊烤到好香脆，帶有煙靭口感，pizza上面有蕃茄醬、mozzarella cheese、pepperoni、肉丸、雞肉、香腸、紅辣椒、墨西哥辣椒、羅勒，用料十足，佢嘅辣椒都幾辣，如果唔食得辣嘅就要小心啲，不過我就好鍾意食！🍴黑松露脆蝦（$52）一盒有六隻，炸皮唔會好厚，蝦都唔會好細隻，幾爽口，配埋黑松露蛋黃醬食，好味！🍴即製甜甜圈（$50）有少少想試甜品，本身有諗緊想試西班牙朱古力吉娜棒，定係即製
回頭指數 ⭐️⭐️⭐️⭐️
開心指數🤗🤗🤗🤗
同朋友一齊響元朗準備買外賣去朋友屋企食，路過呢一間外賣小店，見到佢整緊手工pizza，好似好吸引，就決定試吓！
🍴煙肉芝士和牛漢堡（$85）
見到因為加煙肉都只係加$3 ，就梗係加埋煙肉啦！呢款漢堡做得好出色，M4和牛漢堡扒非常Juicy，好多肉汁流出嚟，煙肉好香脆，佢嘅黑松露蛋黃醬汁同個burger味道好夾，加埋芝麻菜、蕃茄、酸瓜、蘑菇、洋蔥圈，真係大滿足！呢個漢堡仲配有薯條，炸得非常香脆，而且個調味亦都令人食到停唔到落嚟～
煙肉芝士和牛漢堡
$85
0 瀏覽
0 讚好
0 留言
黑松露蛋黃醬薯條
0 瀏覽
0 讚好
0 留言
望住佢整我哋個pizza嘅手藝非常純熟，一推一拉好有功架！佢哋做嘅手工pizza係薄嘅，個邊烤到好香脆，帶有煙靭口感，pizza上面有蕃茄醬、mozzarella cheese、pepperoni、肉丸、雞肉、香腸、紅辣椒、墨西哥辣椒、羅勒，用料十足，佢嘅辣椒都幾辣，如果唔食得辣嘅就要小心啲，不過我就好鍾意食！
招牌食肉獸手工薄餅
$125
0 瀏覽
0 讚好
0 留言
🍴黑松露脆蝦（$52）
一盒有六隻，炸皮唔會好厚，蝦都唔會好細隻，幾爽口，配埋黑松露蛋黃醬食，好味！
黑松露脆蝦
$52
0 瀏覽
0 讚好
0 留言
🍴即製甜甜圈（$50）
有少少想試甜品，本身有諗緊想試西班牙朱古力吉娜棒，定係即製甜甜圈？最後我哋決定試甜甜圈，本身$25一個，三個係$65 ，但因為覺得未必食得晒，就決定叫兩個！佢有六款餡料可以選擇，揀咗檸檬蛋黃醬同埋雜莓，我自己覺得檸檬蛋黃醬比較好食，因為相對雜莓會比較酸，可以平衡到甜甜圈嘅甜味，食落冇咁膩，甜甜圈外脆內軟，因為即叫即製，熱辣辣勁好食！
即製甜甜圈
$50
0 瀏覽
0 讚好
0 留言
🍴可樂（$17）啤酒（$18）
整體上兩款主食都非常出色，開頭以為佢只係做Pizza做得好食，原來竟然個和牛漢堡都非常出色，千祈唔好錯過！而且性價比非常高，如果嚟開元朗，真係要嚟試吓呢一間小店！
張貼
