馬祖 (將軍澳廣場) (已結業)

好耐冇同舊同事食飯，見近排天氣凍咗少少，約佢出去打邊爐先。呢間主打一人一鍋，湯底都有十二款口味揀。藥膳台灣麻辣鴨血凍豆腐湯 - 一上檯就聞到辣味，湯底好夠濃。鴨血口感結實，凍豆腐吸曬湯頭，好好食。藥膳養生清雞湯 - 藥材味好濃，湯底唔會太油，用嚟烚菜一流。極上牛頸脊 - 牛味幾濃，口感帶少少韌。西班牙伊比利亞黑毛豬 - 食落無騷味，口感有啲似牛肉。除咗牛肉豬肉之外，其他嘢食都係出去自助吧自取。食物款式種類都好多，個人最鍾意係日本蟹柳，大大條好鮮甜。蔬菜有比較少見嘅羽衣甘藍，打邊爐簡直係絕配。雪糕/雪條都有十幾款任拎，另外最特別係有提供埋暖嘅飲品。