新拱照車仔麵

營業中

休息中

今日去灣仔，講真太耐冇過海真係唔知有乜好食。我就行下睇下搵下，見到有車仔麵，好奇望下餐牌⋯小什面丶大什面丶午餐⋯都好似幾好，於是就試這間。車仔餸款式好多，小什面對我來說比較多所以我揀$26三餸面加$8凍0茶，我揀左腐卷丶芝士腸丶豬紅配幼面要咖哩汁。凍0茶茶味夠又有4片0檸檬，但茶唔夠凍，扣分。碗面黎喇，一睇⋯平平冇奇，面上面冇一pat咖哩醬，我撈勻先食第一啖，辣辣辣！好辣！但一d咖哩味都冇，只有辣椒油的辣味。食一啖面，wooo好味，面質好，出奇地好好，面條不會死實實既硬身，係軟而不淋。腐卷好食彈牙，芝士腸都有水準，豬紅爽，3款餸全部合格。