華御結

營業中

休息中

本身對飯團都冇乜太大興趣，除左日本便利店有隻流心蛋果啲。響香港食飯團多數都係因為太夜，又有啲肚餓，所以響便利店買黎食。其實響便利店都預左質素麻麻，雖然呢幾年進步左好多，但始終舊飯都係好凍硬到死。而華御結呢，係有一日有少少餓但又未到晚飯時間，所以去左買佢地既飯團。每件都係十幾蚊，貴爭鮮少少但感覺高質好多咁。今次食左個蒲汁三文魚飯團，出奇地好食喎，一直覺得入面會係干爭爭，但反而佢地個三文魚好肥美，好多汁，多到啲飯都有少少汁，好味。飯方便呢，係唔硬，不過冇乜味，又唔酸，佢又冇比豉油果啲，所以除左中間有三文魚果part，其他位有少少淡。不過整體都係好味既。最後想講下佢個包裝，佢教人由中間開始打開，然後左右向兩邊拉開，咁個紫菜就包到舊飯。我想講間直玩死自己，佢個紫菜太新鮮太脆，我一拉開，塊紫菜就粉碎左，然後又好難拉喎個包裝，我有幾啖係食完飯先食紫菜。