八方雲集鍋貼水餃專門店

營業中

休息中

呢排好想食台灣麵線，星期日搵黎搵去都搵唔到，剛剛俾我見到有麵線食，咁就入去整番碗。叫咗個套餐有麵線1碗仔，鍋貼5隻同珍珠奶茶1杯。麵線可能好好想食，都好味嘅，但食唔番之前嗰種味道。「長條型鍋貼」，係此店嘅招牌同重點嘅名物。憑藉記憶，鍋貼理應外脆而內軟，仲應該有點點肉汁。但此店出品係軟，淋，鬆，總結係好差！上天其實對我好好，給與我機會食呢個差勁嘅鍋貼。珍珠奶茶得個死甜，無茶味，食店肯定負了掛著台灣食品的牌頭。又話分兩頭，42蚊又鍋貼，又麵線，又奶茶，重想點吖？其實我只想忘記呢餐囉。