四喜冰室

位於工業區裡面的茶餐廳，印象中呢間茶餐廳大概開咗六年左右。九龍灣工業區好食嘅餐廳唔多，尤其是係九龍灣做嘢嘅打工仔，四喜係一個唔錯嘅選擇。佢哋有常餐，午餐嘅焗飯等等都很出色。

今日想介紹嘅係佢哋嘅早餐。佢哋每一日嘅出前一丁面餐都有唔同嘅選擇，例如五香肉丁雞丁，沙嗲牛黑蒜丁，叉燒麻油丁。一個一餸出前一丁還可以有另外跟多二個餸如煎蛋腸仔火腿等等及排包。

佢哋嘅出前一丁不會太淋又不會太生，每次點完餐都要等5至10分鐘左右，總是煮得剛剛好，每次去食都非常滿意。個人認為佢地係用心煮面。

呢個餐只係$30，早餐價錢及質素來說，呢個價錢我是比得開心。