東哥點心籠仔蒸飯專門店

營業中

休息中

好少寫好評，呢間低調點心舖真係用料十足，味道濃郁有鮮味。個人好鍾意食點心，呢個年頭食到嘅點心味道通常都大同小異，但呢一間味道食得出係用心做而且認真有層次。脆米網腸粉入口驚訝，我好多年無食過咁滑既腸粉，頓然回想起童年食舊式酒樓既時光。鵪鶉蛋燒賣，又名春蛋燒賣，我估大概係啲人唔識寫鵪鶉兩隻字。好少可仲食到大大件蝦肉嘅鵪鶉蛋燒賣，抵食。四寶雞扎，最令人深刻就係呢一條嘅芋頭，竟然會有淡淡的紅棗清甜味道，雞件係帶骨既雞胸肉，鬆軟不得了。蘿蔔糕煎得金黃香脆！菜苗餃皮薄餡靚！下午茶時間有特價，不妨試下。