影片
更多
2019-07-17
155 瀏覽
今日去荔枝角搵朋友食飯，點知佢話今日開會出唔到嚟，唯有自己撐起個枱腳啦。佢就推介我去呢間茶記食，話啲嘢食選擇多，最適合就係我呢啲有選擇困難症嘅人……雖然我知佢擺明玩我，不過我實在唸唔到食咩好，於是都係聽佢講去咗呢間茶記。入到間店，覺得佢係介乎茶餐廳和快餐店之間。~睇MENU都幾多嘢食，有菜飯，米線，燒味，本身想試下佢嘅米線，但係我又好想食燒味，於是左右為難之下揀咗菜飯。佢菜飯都幾多款，我就叫咗蘿蔔牛腩。本身係唸住當頹飯食，但係食落又幾驚喜喔！蘿蔔好香甜，無渣。煮得都幾入味，同埋幾淋。可以切得細塊啲，咁就更易入口。牛腩都唔錯，無咩騷味，燉得幾軟熟。配埋菜飯一齊食，都食得幾滿足！我幾中意佢啲菜飯係用菜心整嘅，而唔係用小棠菜。同埋唔會蒸到啲菜變曬色，分量都好多。食物質素都唔錯，選擇又幾多，唔錯！
佢就推介我去呢間茶記食，話啲嘢食選擇多，最適合就係我呢啲有選擇困難症嘅人……
雖然我知佢擺明玩我，不過我實在唸唔到食咩好，於是都係聽佢講去咗呢間茶記。
入到間店，覺得佢係介乎茶餐廳和快餐店之間。
~睇MENU都幾多嘢食，有菜飯，米線，燒味，本身想試下佢嘅米線，但係我又好想食燒味，於是左右為難之下揀咗菜飯。
佢菜飯都幾多款，我就叫咗蘿蔔牛腩。
本身係唸住當頹飯食，但係食落又幾驚喜喔！
蘿蔔好香甜，無渣。煮得都幾入味，同埋幾淋。可以切得細塊啲，咁就更易入口。
牛腩都唔錯，無咩騷味，燉得幾軟熟。
配埋菜飯一齊食，都食得幾滿足！我幾中意佢啲菜飯係用菜心整嘅，而唔係用小棠菜。同埋唔會蒸到啲菜變曬色，分量都好多。
食物質素都唔錯，選擇又幾多，唔錯！
張貼
