串爆

營業中

休息中

店舖牆上裝飾有趣，座位比較少，所以晚市繁忙時間好快滿座，好彩我地有先訂座，如果唔係就白行一趟啦。我地揀左放題，裡面有好多嘢食，包括唔同款式嘅串串，小食，麵食，仲有飲品添。首先係揀自己喜歡嘅麻辣湯底，再揀串串同小食。上菜速度都幾快㗎。水煮麻辣豬紅，入味而且有咬口藤椒雞軟骨，夠麻味鹵水雞翼尖，肉質滑蒜泥青瓜，清涼爽口，中和口腔內的麻辣感黎到我地嘅主菜啦，係小辣小麻湯底，揀左十幾二十款串串，一上枱已經流曬口水啦。開始第一啖唔會特別辣，但麻味後勁唔錯，keep得耐，幾過癮。豆卜串特別吸湯，必食之選牛肋肉軟稔，正，推薦當然仲有其他主食啦。火鍋川粉， QQ煙韌又吸湯，正老成都雜醬拌麵，雜醬帶有油香，拌麵唔錯，但麵質較稔。成都老冰粉，似QQ啫喱，甜度適中，解辣一流。飲品大大杯，絕不吝嗇。服務態度友善有禮，雖然客人多，但仍笑容可掬，倍感親切，真係食得又飽又温暖呀。