來泰巷

營業中

休息中

雖然位處大街，但鋪面唔太起眼，一不留神好易行過左都唔知。叫左好有特色既泰式冬陰功海鮮煲仔飯。 店員會計時開蓋，以令煲仔飯焗到最佳狀態。煲仔飯滿有冬陰湯底即味道，每粒飯都入晒味。 海鮮配料都算豐富，交足功課。 煲底都做到有少許飯焦，以平日食個晏都可以食到既煲仔飯嚟講，算唔錯啦。 如果硬要同傳統炭爐臘味煲仔飯名店比的話，咁就有少少似小朋友同大人打交，輕量級同重量級拳王對打咁啦。煲仔飯跟餐有湯有餐飲有甜品，都係嗰句，以平日食過晏嚟講，都算豐富啦。小店人手唔多，服務就好難有太高要求啦，不過態度良好。 同埋好似有搞好多社區活動，都似係一間有心嘅舖頭。