爆辣冷麵

營業中

休息中

今日收工超級攰 決定咗買個外賣返屋企慢慢歎 經過元朗嘅呢間爆辣冷面 見到之前勁多人排隊今日竟然唔使等 就一於食下啦鋪頭仔細細只有兩個店員工作 不過都唔使等好耐 衛生情況唔錯值得一試爆辣雞軟骨 非常惹味 雞軟骨粒粒爽脆加咗海量嘅蒜頭同辣椒落去 送酒一流蟹子沙律 入面係青瓜絲做底嘅沙律非常精神上面仲加上蟹柳粟米帶子裙邊等等嘅配料當然唔少得係海量太子啦賽螃蟹撈麵 個名幾得意就買嚟食下啦原來佢係蛋白嚟嘅爆辣炒飯 入面已經有勁多料包括帶子裙邊 蟹子 蟹柳 香腸 午餐肉等等 炒得粒粒分明味道唔錯吖 小朋友都啱食爆茜蟹子冷麵 顧名思義係超多芫茜 啱曬我呢啲茜女人 又有粒粒蟹子嘅口感 加上冷麵汁貫通所有麵條 好開胃最後仲買咗一罐爆辣生蒜油返屋企食添 撈麵炒菜落啲 都非常惹味