影片
更多
2021-06-09
45 瀏覽
建議： 下午茶時段2-5:30pm，有4個餐揀👍 (餐牌可睇最後幾張圖)行完太古誠品，因為未食午餐開始有啲餓餓地。醒起椰小盅就係誠品2樓，可以去食番個下午茶，飲碗燉湯 🤣 相比上一次，今次既人流多左，卡位都要等一陣先有。落完單之後，店員有空閒亦會主動執枱清潔👍 今次試左：▪️糧心飯套餐 (HK$58)🍚上野慢煮牛筋+紫薯飯+玄米茶女仔黎講，飯餐份量都算 OK。不過男仔就可能要加多碗湯先夠飽。牛筋煮得都幾淋，唔會太實，夠入味之如，仲充滿膠質😎 送飯一流另外，餐飲可以揀：玄米茶/山楂茶。仲有其他飲品揀 (+HK$9)：豆漿、酸梅湯 同 汽水▫️小蔥拌面配雞翼 (HK$30)因為實在係太餓既關係，追加左一個拌面。食落面質有啲乾身，最後加左幾羹湯再撈一撈👍 不過蔥油味唔係好夠，反而似雞翼既瑞士汁 (?!)。兩隻雞翼都幾好味，亣唔會太嚡口。▪️搪瓷素湯 (HK$52)素湯飲落清清地，去下肉既油膩都唔錯。雖然相比之前試過既椰盅湯，味道無甘濃椰子味，但湯料都幾足，食到有：粟米、紅蘿蔔、赤小豆、無花果、腰果 同 栗子。▫️下午茶D餐 (HK$42)糯米雞+百合雪燕燉桃膠 糯米雞勁大隻，估唔到幾多料，入面仲有隻
行完太古誠品，因為未食午餐開始有啲餓餓地。醒起椰小盅就係誠品2樓，可以去食番個下午茶，飲碗燉湯 🤣
相比上一次，今次既人流多左，卡位都要等一陣先有。落完單之後，店員有空閒亦會主動執枱清潔👍
今次試左：
▪️糧心飯套餐 (HK$58)
🍚上野慢煮牛筋+紫薯飯+玄米茶
女仔黎講，飯餐份量都算 OK。不過男仔就可能要加多碗湯先夠飽。牛筋煮得都幾淋，唔會太實，夠入味之如，仲充滿膠質😎 送飯一流
另外，餐飲可以揀：玄米茶/山楂茶。仲有其他飲品揀 (+HK$9)：豆漿、酸梅湯 同 汽水
▫️小蔥拌面配雞翼 (HK$30)
因為實在係太餓既關係，追加左一個拌面。食落面質有啲乾身，最後加左幾羹湯再撈一撈👍 不過蔥油味唔係好夠，反而似雞翼既瑞士汁 (?!)。兩隻雞翼都幾好味，亣唔會太嚡口。
▪️搪瓷素湯 (HK$52)
素湯飲落清清地，去下肉既油膩都唔錯。雖然相比之前試過既椰盅湯，味道無甘濃椰子味，但湯料都幾足，食到有：粟米、紅蘿蔔、赤小豆、無花果、腰果 同 栗子。
▫️下午茶D餐 (HK$42)
糯米雞+百合雪燕燉桃膠
糯米雞勁大隻，估唔到幾多料，入面仲有隻雞翼🤣 不過蒸既雞翼，肉質就嚡左少少。但整體既味道都中規中矩，而且好飽肚。
一盅百合雪燕燉桃膠做飯後甜品作結😎 清清甜甜都唔錯，每一啖都有好多桃膠，燉到好軟身👍。雪燕既份量相比之下唔係好多，不過絕對對得起依個價錢。
張貼
