影片
更多
2008-08-24
8 瀏覽
都有好耐無去重慶食飯喇﹗記得對上一次去都成年之前﹗呢排成日都咖哩癮大作，咁岩今日早收工決定相約友人出發﹗照舊都係0個句，入去重慶之前千其唔好攞任何傳單，唔係就乃野﹗老地方，7E咖哩王，記得嗎？以前會食到喊的地方﹗唔洗諗叫定啤酒穩陣﹗17蚊支青島﹗先來好耐都無食既鵪鶉，17蚊隻呢﹗依然都係燒得十分之香脆，咬落味道相當惹味﹗外脆內軟之餘0的肉仲好鮮甜﹗加少少檸檬落去吊一吊個味更鮮﹗我連佢0的骨都食埋﹗呢個新野，就係 "芝士蘭" ，十分之香芝士味，唔洗蘸咖哩都好好食﹗一定要試﹗咖哩來了﹗今次點左四個咖哩呢﹗羊我無試啦﹗不過佢地三個食到連汁都飲埋，話超好食，唔太羶之餘個咖哩夠香又唔會無左0的羊味﹗仲叫我試一試，我當然敬而遠之.......個牛腩普普通通，0的牛仲有少少韌﹗巴辣雞是每次都必點的，辣到會流眼淚就係呢隻，不過超過癮﹗唔係人人食到﹗個蝦雖然唔辣，不過味道好有驚喜，好重茄汁味，酸酸甜甜的，用黎蘸餅食十分之好味，最後食食下竟然發現入面有菠蘿同椰果，怪不得咁鮮甜咁得意啦﹗"架力蘭" 同埋普通蘭都係一定要叫架喇﹗呢個巴辣雞入面既一舊小薯仔，四個人分每一0的，已經辣到個個扁哂咀了﹗一流﹗咖哩的朋
呢排成日都咖哩癮大作，咁岩今日早收工決定相約友人出發﹗
照舊都係0個句，入去重慶之前千其唔好攞任何傳單，唔係就乃野﹗
老地方，7E咖哩王，記得嗎？以前會食到喊的地方﹗
唔洗諗叫定啤酒穩陣﹗17蚊支青島﹗
先來好耐都無食既鵪鶉，17蚊隻呢﹗
依然都係燒得十分之香脆，咬落味道相當惹味﹗外脆內軟之餘0的肉仲好鮮甜﹗加少少檸檬落去吊一吊個味更鮮﹗我連佢0的骨都食埋﹗
呢個新野，就係 "芝士蘭" ，十分之香芝士味，唔洗蘸咖哩都好好食﹗一定要試﹗
咖哩來了﹗今次點左四個咖哩呢﹗
羊我無試啦﹗不過佢地三個食到連汁都飲埋，話超好食，唔太羶之餘個咖哩夠香又唔會無左0的羊味﹗仲叫我試一試，我當然敬而遠之.......
個牛腩普普通通，0的牛仲有少少韌﹗
巴辣雞是每次都必點的，辣到會流眼淚就係呢隻，不過超過癮﹗唔係人人食到﹗
個蝦雖然唔辣，不過味道好有驚喜，好重茄汁味，酸酸甜甜的，用黎蘸餅食十分之好味，最後食食下竟然發現入面有菠蘿同椰果，怪不得咁鮮甜咁得意啦﹗
"架力蘭" 同埋普通蘭都係一定要叫架喇﹗
呢個巴辣雞入面既一舊小薯仔，四個人分每一0的，已經辣到個個扁哂咀了﹗一流﹗
咖哩的朋友是什麼？
就是白飯，只有白飯先可以令咖哩發揮佢最偉大的境界﹗
咁都未飽，叫多個洋蔥圈，即叫即炸好脆口，個炸粉厚左少少不過熱辣辣都係好食﹗
本來開開心心的﹗不過最後正當我地同埋好多人掛住睇奧運跳水的時候，個老闆竟然關左個電視扮收唔到走埋黎趕客，問我地仲叫唔叫野？唔叫就埋單因好多人等位.........
算啦，好食就話之佢﹗埋單一人$105，抵食﹗
張貼
