京都一の傳 (已結業)

幾個月之前因為用coupon第一次食，當時係3月，當時疫症仲好嚴重，少人出街，所以個時唔駛點排隊，而且食物質素非常好。但幾個月後，也許多左好多人用coupon，廚房做唔切咁多order，以致質素下降左好多。今次冇訂座要排隊，大約等左20分鐘左右就可以入座。睇返餐牌，咦，疫市下仲加左價，大約係每個set lunch加左$10，我心態就係加價唔緊要，最緊要好似上次咁好食就OK啦。我老公order返上次個餐吉列鹿兒島和牛定食$338 (由$328加到$338)塊牛扒比上次黎食好薄身，上次係好重和牛香味，今次冇，而且塊扒有點overcook。我的和牛丼●刺身●藏味噌漬贅沢御膳 $298刺身正正常常牛丼份量非常少又薄，真係食唔出係和牛隻蛋仲攪笑，攪拌個時唔係液體狀，似半熟嘅蛋。飯微暖，好似食緊刺身飯咁舊魚熟到好嚡甜品好冇誠意，似優Ｘ良品個Ｄ好彩仲用到Coupon，坦白講，再有Coupon都唔會返黎食。可能因為多左人食，所以加價，但質素差左唔成正比囉。