影片
更多
2023-03-22
311 瀏覽
呢間全白tone 既café，再同朋友一齊帶左小朋友嚟，cafe既空間夠闊落，大家都坐得舒服，走動亦好容易！由於係下午茶時間，所以唔算多人。😋 慢煮法式油封鴨脾配牛角酥窩夫 $138呢個我地兩個大人share食，冇諗過個鴨脾咁淋身，應該係慢煮既關係，而且鴨肉既味道唔係用調味既死咸，係好香既鴨肉味，皮係脆同香！呢個鴨脾幾有驚喜，就以平時唔好食鴨嘅人來講都好深印象，鴨脾同窩夫下面係有黑醋，呢個點綴好襯，口味好夾，窩夫係牛角酥既鬆化質地，加蜜糖食好好味！正正因為食完呢一個嘅配菜，我哋兩個都覺得需要嗌一個窩夫甜品‼️好食指數 9/10‼️推介指數 9/10😋 帆立貝明太子忌廉意粉 $118兩隻帆立貝都好大隻👍🏻而且煎得好香，明太子好足夠，食落係啖啖既忌廉汁配明太子！而且意粉好掛汁，同樣係出色既主菜！‼️好食指數 9/10‼️推介指數 9/10😋 焦糖爆谷牛角酥窩夫 $58成餐最開心既重點就係甜品👍🏻呢種酥皮嘅窩夫，有別於平時嘅餅皮窩夫，完全唔會覺得好膩好飽，係愈食愈開胃，而且份量都好大，如果叫Full既size，兩個人當飯後甜品啱啱好！冇諗過焦糖爆谷配雪糕咁好味～下次我會再試其他口味既窩夫！‼️好食指數
呢間全白tone 既café，再同朋友一齊帶左小朋友嚟，cafe既空間夠闊落，大家都坐得舒服，走動亦好容易！由於係下午茶時間，所以唔算多人。
😋 慢煮法式油封鴨脾配牛角酥窩夫 $138
呢個我地兩個大人share食，冇諗過個鴨脾咁淋身，應該係慢煮既關係，而且鴨肉既味道唔係用調味既死咸，係好香既鴨肉味，皮係脆同香！呢個鴨脾幾有驚喜，就以平時唔好食鴨嘅人來講都好深印象，鴨脾同窩夫下面係有黑醋，呢個點綴好襯，口味好夾，窩夫係牛角酥既鬆化質地，加蜜糖食好好味！正正因為食完呢一個嘅配菜，我哋兩個都覺得需要嗌一個窩夫甜品
‼️好食指數 9/10
‼️推介指數 9/10
😋 帆立貝明太子忌廉意粉 $118
兩隻帆立貝都好大隻👍🏻而且煎得好香，明太子好足夠，食落係啖啖既忌廉汁配明太子！而且意粉好掛汁，同樣係出色既主菜！
‼️好食指數 9/10
‼️推介指數 9/10
😋 焦糖爆谷牛角酥窩夫 $58
成餐最開心既重點就係甜品👍🏻呢種酥皮嘅窩夫，有別於平時嘅餅皮窩夫，完全唔會覺得好膩好飽，係愈食愈開胃，而且份量都好大，如果叫Full既size，兩個人當飯後甜品啱啱好！冇諗過焦糖爆谷配雪糕咁好味～
下次我會再試其他口味既窩夫！
‼️好食指數 9/10
‼️推介指數 9/10
😋 Latte $35 & Mocha $40
呢度既咖啡都係我哋兩個最愛嘅口味，唔會落糖俾你，如果需要可以向職員拎，但本身嘅咖啡味好香，就咁飲已經覺得好舒服，Mocha 朋友話飲得出咖啡豆嘅果香👍🏻
Latte我就覺得奶味濃得黎都完全冇掩蓋咖啡嘅香味
‼️好食指數 9/10
‼️推介指數 9/10
總括嚟講呢間Cafe 又係食完會再嚟，冇諗過cafe做主食同甜品都同樣出色，唔係淨係賣咖啡☕️環境乾淨舒服都係最想再到訪嘅原因
🍽 Coco Espresso(大埔)
📌 大埔安邦路9號大埔超級城C區1樓587號
☎️ 2123 1390
⏰ 星期一至日 08:00-21:30
張貼
