想甜嚐甜

營業中

休息中

第一個食評，就為咗期待咗好耐嘅想甜嚐甜寫。23:10左右入咗店叫咗蘋果甘寶同brownie waffles 都等咗大約20分鐘先有食物黎到嘅時候係23:40店員上菜就直接話：「 唔好意思因為洗咗雪糕機所以雪糕係青蘋果味。」就放低食物落單時候有問過店員雪糕味道，女店員就指只有原味。係落單後嘅等候期間，我哋都見到有兩個客人買咗兩個🍦外賣走。點知冇問過之下，黎到就換成咗外賣版嘅青蘋果雪糕。埋單嘅時候我哋有同cashier 反映返冇問過我地就轉雪糕呢個做法唔係幾好但佢仲表示一般11:30就截單，新同事唔知，同埋份量係相約，然後就直接用折扣了事。店員做法相當冇誠意，雪糕已經影響咗甜品賣相，仲要推卸責任係新同事身上，而且我哋落單係係11:30前，仲見到有賣雪糕俾客人拎走。整個用餐體驗係令人好失望。冇預先知會情況下就換咗雪糕，冇見過其他食評有係堂食食到外賣雪糕，仲走埋個cone。食物方面，蘋果甘寶冇問題，但窩夫上台嘅時候完全唔熱而且硬。而且雪硬咗嘅乳酪雪糕，完全同即時唧唧口感唔同。作為黃店，認同民主自由嘅原因，都係唔想煮到埋嚟就食，所以我都唔希望係黃店遇到做呢個經歷。