十二味 (和富)

營業中

休息中

十二味係我好鍾意食嘅餐館之一，鍾意食辣嘅我，川菜好岩我口胃😋。餐廳係商場入邊，地方好濶落，落單係用QR code，上菜亦好快。每次黎到緊要食到汗流浹背先夠爽🤣，尤其係經典香辣鍋，必食之選，鍋底用左十幾種香料配以唔同嘅辣椒🌶️製成，好似食車仔麵咁，再係廿幾款食物選至少5款，（因認自己喜好再選擇辣度🌶️🌶️🌶️）。個鍋一上台，香氣已經直逼我味蕾😋。今晚配料選左牛舌、金菇、萵荀、寬粉同豬腸；金菇同寬粉最索倒醬汁，每朿金菇都掛倒滿滿醬汁，寬粉又寬又大塊，口感似食麻薯粉，不過更加煙靱彈牙；豬腸亦做得好好，唔會太多肥膏，又冇up味，洗得好乾淨；本應食呢個辣鍋，每次都會叫碗白飯🍚，不過朋友今晚想食蔥油麵，所以就來一個吧😬，麵底係粗麵，沾滿咸咸略帶甜嘅醬汁，好惹味。口水雞，呢個就番我唔係幾食得辣嘅朋友，只有辣嘅香，但冇辣果種刺激感，雞亦非常嫩滑，份量好足。