Five To One

營業中

休息中

朝早想搵間chill d cafe嚟hea下同朋友傾下計，想試呢間好耐，終於都有機會喇。店空間好大，但入面嘅位唔算多，就係因為咁，坐得好舒服。嗌咗個雞白湯，成set嘢擺得好靚，湯好濃郁，鳥唐揚炸得好好，一啲油膩嘅感覺都冇，味道啱啱好，唔會太咸又唔會太淡不過早餐嚟講就太大份，要放假先可以慢慢嘆。另外叫咗個，吉列豬扒同碎蛋沙律，個豬扒同農夫包好夾，吉列豬扒炸得啱啱好，農夫包同豬扒痴得好實，又好脆口。雖然成舊都係炸，但係一啲油膩嘅感覺都冇。兩杯嘢飲嘅拉花都拉得好靚。味道唔會好似有啲cafe咁，呢兩杯都好濃郁，熱飲擺到凍晒都好好飲。