甜甜屋

營業中

休息中

今日西灣河掃街最後一站當然係甜品啦。呢間好耐之前係食過，不過已經忘記食啲乜。好多網友同foodie都介紹呢間甜品店，黎試試先。第一樣係佢嘅手工蛋糕：北海道牛奶千層蛋糕$36呢個好食喎！牛奶味好濃，唔會好甜，雖然係好普通嘅蛋糕，都有少少驚喜。第二樣係芋圓5號$37見到都好想食，見到啲芋圓咁大粒好想食。不過……好難食……芋圓係得個大字，口感係淋，好似未熟嗰隻口感，太多粉喇，完全唔煙韌。豆腐花口感好粗糙，一啲都唔滑，成碗係椰果同紅豆係正常。呢碗糖水完全唔得。整體黎講，好麻麻，係件蛋糕可以試下。唔係好好食，只可以話小店黎講係ok好食，但好食過佢嘅甜品店大有人在。不過芋圓係絕對唔推薦唔好食。