豚王 (已搬遷) 新店位置

終於食機會食豚王. 平日夜晚放工排左大慨半個鐘. 入內發覺原來裏面真係好細. 同埋都幾熱同逼. 基本上係同雲吞麵舖格局一模一樣. 心諗食成百蚊碗麵都要答檯坐圓凳背對背逼住食. 呢次唔好食真係唔會再黎. 得四款揀. 叫左黑王. 除左多蒜外, 所有野都揀普通.一黎到偷左朋友的豚王的湯底, 試啖~~ 好香濃的豬骨味, 唔油播. 跟住試自己個黑王. 覺得冇咁香濃, 飲啖水再試過. 一樣唔香濃. 芝麻味又冇, 墨魚味又唔濃…叫左多蒜都唔係好覺…撈埋雪糕球狀的肉碎, 搞到個湯底好傑. 湯底又唔夠熱…麵...同一風堂一樣係我鍾意的幼麵, 但太淋, 比出面正常拉麵淋好多. 麵唔彈牙. 豚肉就好食, 夠味, 軟身又唔鞋, 肥瘦適中. 配料方面基本上得荵同黑木耳, 冇乜特別. 服務普通. 有遞紙巾係個讚. 總結: 我唔知其他人食o個碗會唔會唔同, 但我個碗黑王實在係失望. 當然佢比起普通日式拉麵舖係好味d, 至少舊豚肉係. 但佢貴人幾十蚊, 又要排又坐得勁唔舒服. 附近又有一風堂, 所以總結係我睇唔到點解我要再返黎. 唔係佢舊豚肉, 我實卑喊.