616牛肉火鍋專門店 (明德商場)

營業中

休息中

今日8號風球唔使返工，諗緊晚飯食咩好，街巿都未必多選擇，買餸都會貴啲，所以出街食先係明智之選。但係風球下好多都無開，又唔想食連鎖餐廳，朋友話原來坑口有間新開嘅火鍋店，打去風球下都仲有繼續營業，新開仲有8折添。餐廳座位唔算多，坐得幾舒服，一啲都唔逼同乾淨，顧客可用QR CODE落單。其實我哋都唔識咩部位，不過座位上有圖寫明肉係屬於牛嘅咩位置，建議淥幾多秒。食物質素唔錯，每款牛類都會有張紙仔喺碟邊寫明係咩部位，職員服務唔錯。有好多款調味料。牛雜湯底，牛雜都淋，不過無咩味。匙柄，胸口膀，跟圖點，兩款一齊食，都幾特別。澳洲和牛牛頸脊。牛駝峰。加拿大艾伯塔牛側胸肉食落真係好香油味。安格斯橫隔肌。手打蝦滑好彈牙。鴨血，同雞紅一樣。手打牛筋丸(半打)，裏面真係有一粒粒嘅牛筋喺丸裏面，都幾好味。鮮製手打烏冬，幼身好多，份量好少。616原漿手工啤，甜味有啲重。惠顧滿$300送一副撲克牌。