吉列牛忌廉烏冬專門店 (百樂中心) (已結業)

今次黎到吉列牛忌廉烏冬專門店緊係要食番佢招牌菜，就係吉列牛同忌廉烏冬。先講佢個吉列牛，係有石板燒，打卡一流，而且之前未試過，都幾有趣。塊吉列牛我諗5成熟到，中意食熟d就放左石板再燒多陣，而且佢個火都可以燒好耐，由上菜到食完，個火仲燒緊，都幾長氣😂定食有飯、湯、豆腐、番茄仔，都幾多野食。個吉列牛幾好，估唔到都幾juicy。另一個招牌菜就係忌廉烏冬，呢個好新穎，第一次見到都覺得有啲奇怪，但食落都幾有趣，佢個咖喱味都幾重，忌廉反而冇乜味係個賣相好睇，濕濕地咁個烏冬都幾好食。再叫多左個Kobekyu 秘製蛋卷，好重芝士味，芝士又夠溶，好味，中意食芝士既一定會中意。最後叫咗支手工啤，玉皇大帝IPA，係幾果香味既手工啤黎。