影片
更多
2022-08-23
1264 瀏覽
相信好多鐘意蛋料理嘅朋友都已經去過呢間餐廳，過去嘅週末我哋去咗大角咀店店面積幾大幾闊落，以橙、黃、木色做主調，最搶眼應該就係𠴱幾組巨型雞蛋座位，另外仲有啲二人屋仔卡位。加埋食物嘅賣相，要打卡就冇乜難度。特別係我哋3、4點呢啲時間到，客人唔算多，可以慢慢影相。餐牌選擇豐富，小食例如玉子燒、沙律、炸薯條、炸雞，輕食例如三文治、班尼迪蛋。主食有滑蛋丼、蛋包飯同生雞蛋拌飯等。當然唔少得招牌嘅梳乎厘班戟。松葉蟹肉玉子燒 $60玉子燒雖然唔係好滑溜溜𠴱種，但食落幾juicy，有蛋香。吉列豚三文治配薯條 $98呢款三文治係新品，唔好睇少份量真係好多。多士厚身香脆，豚肉唔會乾柴伴咗燒汁，偏甜口；美中不足係𠴱日隻蛋就熟咗，未有半熟蛋汁流心效果。伴碟有沙律菜同炸薯條，真係飽到飯都食唔落。牛油果三文魚親子生雞蛋拌飯 $108睇番餐牌介紹，雞蛋沖繩直送，達到直接生食品質。呢款生雞蛋拌飯打卡真係一流蛋白打發到成舊雲咁，再放番蛋黃上去，食前淋上日本豉油，撈勻蛋白同蛋黃，再加飯素食。飯粒分明香口，撈勻啲料之後，食落口感會滑好多，魚生份量適中，三文魚都新鮮肥美。如果之前冇食過呢類蛋白拌飯，可能係會有啲唔適應。(蛋白量
餐牌選擇豐富，小食例如玉子燒、沙律、炸薯條、炸雞，輕食例如三文治、班尼迪蛋。
主食有滑蛋丼、蛋包飯同生雞蛋拌飯等。當然唔少得招牌嘅梳乎厘班戟。
松葉蟹肉玉子燒 $60
玉子燒雖然唔係好滑溜溜𠴱種，但食落幾juicy，有蛋香。
吉列豚三文治配薯條 $98
呢款三文治係新品，唔好睇少份量真係好多。多士厚身香脆，豚肉唔會乾柴
伴咗燒汁，偏甜口；美中不足係𠴱日隻蛋就熟咗，未有半熟蛋汁流心效果。伴碟有沙律菜同炸薯條，真係飽到飯都食唔落。
牛油果三文魚親子生雞蛋拌飯 $108
睇番餐牌介紹，雞蛋沖繩直送，達到直接生食品質。呢款生雞蛋拌飯打卡真係一流蛋白打發到成舊雲咁，再放番蛋黃上去，食前淋上日本豉油，撈勻蛋白同蛋黃，再加飯素食。飯粒分明香口，撈勻啲料之後，食落口感會滑好多，魚生份量適中，三文魚都新鮮肥美。
如果之前冇食過呢類蛋白拌飯，可能係會有啲唔適應。(蛋白量偏多)
燉牛肉蛋包飯 $118
蛋包飯不錯有一期好興呢類旋風蛋包飯的。 燉牛肉好軟腍，食落唔會話sip牙。醬汁甜口，幾好送飯。
伯爵茶青葡萄梳乎厘班戟 $98
鮮芒果熱情果梳乎厘班戟 $98
試咗兩份季節限定嘅梳乎厘班戟，質素ok，仲有其他恆常口味例如士多啤梨、提拉米蘇等，價錢$88起。
班戟實在感重，蛋味明顯，生果伴碟，伯爵茶醬味道大眾化，唔會太甜
芒果熱情果會比較清新，酸酸甜甜，呢個價錢收哂貨。
芒果鮮奶特飲 $48
伯爵奶茶配雪糕 $48
兩款都係新飲品，前者有加生蛋黃調製 (注意！)，口感香滑，blend得好勻，無冰感。
伯爵奶茶都ok，重奶味啲，因為有埋一球仔雪糕，所以相對會略甜啲呢。
張貼
