影片
更多
2023-06-02
32 瀏覽
餐廳以白色為主調，設計簡單型格，主打咖啡和甜品。亦提供一些主食，有幾款飯/意粉/沙律，款式貴精不貴多。除了可以來飲杯咖啡之外，也可以來吃一個正餐。我們今天是來吃下午茶的，不過朋友有少少肚餓，就叫了一個紅酒牛肋條手工闊條麵，我試了少少，牛肋條炆得好入味，闊條面彈牙煙靭，不會煮得過淋，很有水準，出乎意料。但我更加喜愛他的甜品，其實幾款都好想試，最後選了開心果軟心芝士蛋糕和Tiramisu 。兩款蛋糕都極度好食，同連鎖咖啡店嗰啲真係冇得比，贏幾條街。Tiramisu 酒味好香濃，用上佢自家的espresso 做。芝士好軟滑，基本上入口即溶。原本在雪糕櫃見到的時候覺得$60咁細件有少少貴，但上枱的那一件比蛋糕櫃入面的大件。可能因為蛋糕櫃那些是display會浪費，所以就切細一點（我估咋）。另外一件開心果芝士蛋糕都係好大件，這個是我近期吃過最好吃的芝士蛋糕，開心果味唔算太強烈，可能因為夾咗芝士味嘅關係，我反而覺得是恰到好處，而且唔會過甜，質地好creamy 好滑。食完返到屋企已經好掛住好想再食😆。我其實並唔係一個甜品控，好少對啲甜品有咁高評價。一碟意粉，兩個甜品，兩杯咖啡，埋單三百幾蚊，唔平，但
我們今天是來吃下午茶的，不過朋友有少少肚餓，就叫了一個紅酒牛肋條手工闊條麵，我試了少少，牛肋條炆得好入味，闊條面彈牙煙靭，不會煮得過淋，很有水準，出乎意料。
但我更加喜愛他的甜品，其實幾款都好想試，最後選了開心果軟心芝士蛋糕和Tiramisu 。
兩款蛋糕都極度好食，同連鎖咖啡店嗰啲真係冇得比，贏幾條街。
Tiramisu 酒味好香濃，用上佢自家的espresso 做。芝士好軟滑，基本上入口即溶。原本在雪糕櫃見到的時候覺得$60咁細件有少少貴，但上枱的那一件比蛋糕櫃入面的大件。可能因為蛋糕櫃那些是display會浪費，所以就切細一點（我估咋）。
另外一件開心果芝士蛋糕都係好大件，這個是我近期吃過最好吃的芝士蛋糕，開心果味唔算太強烈，可能因為夾咗芝士味嘅關係，我反而覺得是恰到好處，而且唔會過甜，質地好creamy 好滑。食完返到屋企已經好掛住好想再食😆。我其實並唔係一個甜品控，好少對啲甜品有咁高評價。
一碟意粉，兩個甜品，兩杯咖啡，埋單三百幾蚊，唔平，但食物質素很好，店員好nice，仲有落地大玻璃窗，好舒服。
張貼
