影片
更多
2022-03-01
135 瀏覽
全港首間希臘乳酪芝士蛋糕專門店 登陸中環！Lanala結合Greek yoghurt 同cream cheese，令芝士蛋糕比傳統嘅輕盈，真係食晒成件都唔會覺得好甜膩好大負擔。有芝士蛋糕又點會無花茶~ 重點係連茶杯都有幾款可以揀，岩晒我呢啲港女。Lalana亦有供應lunch set同bagel set，$168有齊意大利麵、芝士蛋糕、咖啡。店面雖小，但又唔會太焗促，寧靜舒適，幾岩同朋友傾下計，唯獨佢張沙發椅真係淺左啲。▪️白桃玫瑰希臘乳酪芝士蛋糕 $88頂層嘅玫瑰花茶啫喱好Q彈，食落真係feel到陣玫瑰香。芝士蛋糕就比一般嘅軟滑輕盈，質地無咁厚實，帶希臘乳酪嘅酸味，毫不甜膩。中間仲有粒粒爽口白桃 增添一絲清新嘅感覺，略嫌唔夠香甜。食芝士蛋糕又點可以冇餅底，略嫌佢呢個餅底腍左少少。整個甜度唔會太高，真係食晒成個都唔飽滯。▪️日本蜜瓜希臘乳酪芝士蛋糕 $108限量供應！層次分明嘅蜜瓜蛋糕 打卡一流。日本蜜瓜超香甜超juicy，加上微酸嘅希臘乳酪芝士，清新唔膩~ 呢個配搭未算好加分，但舊蜜瓜真係好好食！每人兩啖無左，好唔夠喉。▪️經典希臘乳酪芝士蛋糕 $68經典唔加花巧野 就最能品嚐到希臘乳酪芝
Lalana亦有供應lunch set同bagel set，$168有齊意大利麵、芝士蛋糕、咖啡。店面雖小，但又唔會太焗促，寧靜舒適，幾岩同朋友傾下計，唯獨佢張沙發椅真係淺左啲。
▪️白桃玫瑰希臘乳酪芝士蛋糕 $88
頂層嘅玫瑰花茶啫喱好Q彈，食落真係feel到陣玫瑰香。芝士蛋糕就比一般嘅軟滑輕盈，質地無咁厚實，帶希臘乳酪嘅酸味，毫不甜膩。中間仲有粒粒爽口白桃 增添一絲清新嘅感覺，略嫌唔夠香甜。食芝士蛋糕又點可以冇餅底，略嫌佢呢個餅底腍左少少。整個甜度唔會太高，真係食晒成個都唔飽滯。
▪️日本蜜瓜希臘乳酪芝士蛋糕 $108
限量供應！層次分明嘅蜜瓜蛋糕 打卡一流。日本蜜瓜超香甜超juicy，加上微酸嘅希臘乳酪芝士，清新唔膩~ 呢個配搭未算好加分，但舊蜜瓜真係好好食！每人兩啖無左，好唔夠喉。
▪️經典希臘乳酪芝士蛋糕 $68
經典唔加花巧野 就最能品嚐到希臘乳酪芝士蛋糕嘅原味。芝士蛋糕酸度較其餘兩款突岀，伴碟嘅香甜蜜糖剛好能夠中和，酸甜比想像中融洽。我有少少唔太習慣呢種酸味，但朋友竟然最鍾意呢種簡單嘅味道。整體嚟講，希臘乳酪芝士蛋糕定價偏高，但都明白希臘乳酪同水果成本較高，食落又真係輕盈唔甜膩，過到口癮之餘，又唔會太大罪惡感。(但不習慣希臘乳酪的酸可能會不太喜歡) 環境亦幾舒適，想同朋友靚靚地傾下計，呢到都係一個唔錯嘅選擇。呢個價錢 嘆返成個晏就 都算可以接受。
張貼
