影片
更多
2019-03-03
317 瀏覽
呢個標題唔係嘩眾取寵，唔係廣告，係堅㗎。我幾廿歲人鍾意食咗牛肉麵咁耐，呢間係「揼」一聲突然跳咗啲啲（唔係好多）出嚟咁好味㗎。我而家兩個禮拜唔夠已經幫襯咗四五次。【二悅紅燒牛腱麵】牛腱嘅厚度、腍度、肥美度、肉味、texture 都冇得挑剔，非常 like 麵湯分家係 excellent idea, 事關個拌麵本身都濕濕，就咁食唔會覺得乾身，又可以仔細欣賞個靚麵質。至於分開碟仔上嘅味菜粒，我就鍾意直接夾啲嚟食、又揼啲落個麵度一齊食。濃牛肉湯淆得 super . 邊食麵邊喺嗰壺度倒出嚟飲幾啖，簡直係美妙嘅衝擊。唔建議倒啲湯落個麵度食，個人覺得互相抵銷咗啲美味。反而夾舊牛肉浸落啲湯度食又有另一風味。【小吃】小食竟然都又靚又好味，抵讚。手工肉燥滷得一流點點嘅肥份量啱啱好唔多又介乎 soft 與融化之間。Size 恰到好處嘅菇粒喺軟到任你擺佈嘅狀態下同滷汁混為一體。手工肉燥茄子啱啱好表面夠香口內裡夠濕軟香。溏心蛋嗰個溶化位簡直 perfect，連燙青菜都揀啲嫩嫩嘅通菜排得靚靚 。香炸花枝丸其實好食，可惜相比其他超好食物下，好似有啲唔夠搶，其實唔 fair 囉。【飲品】桑椹蜜甜咗啲啲啲，但呢個係個
【二悅紅燒牛腱麵】
牛腱嘅厚度、腍度、肥美度、肉味、texture 都冇得挑剔，非常 like
麵湯分家係 excellent idea, 事關個拌麵本身都濕濕，就咁食唔會覺得乾身，又可以仔細欣賞個靚麵質。至於分開碟仔上嘅味菜粒，我就鍾意直接夾啲嚟食、又揼啲落個麵度一齊食。
濃牛肉湯淆得 super . 邊食麵邊喺嗰壺度倒出嚟飲幾啖，簡直係美妙嘅衝擊。唔建議倒啲湯落個麵度食，個人覺得互相抵銷咗啲美味。反而夾舊牛肉浸落啲湯度食又有另一風味。
【小吃】
小食竟然都又靚又好味，抵讚。
手工肉燥滷得一流點點嘅肥份量啱啱好唔多又介乎 soft 與融化之間。Size 恰到好處嘅菇粒喺軟到任你擺佈嘅狀態下同滷汁混為一體。手工肉燥茄子啱啱好表面夠香口內裡夠濕軟香。
溏心蛋嗰個溶化位簡直 perfect，連燙青菜都揀啲嫩嫩嘅通菜排得靚靚 。
香炸花枝丸其實好食，可惜相比其他超好食物下，好似有啲唔夠搶，其實唔 fair 囉。
【飲品】
桑椹蜜甜咗啲啲啲，但呢個係個人口味問題吧。最重要嘅係，店員會話你知「甜度可以幫你再調」。咁我下次叫咗少甜就 very good 喇，桑椹味返晒嚟 。咁窩心嘅服務，到底呢度係咪香港？🤔
薄荷青檸梳打冇落甜果然唔會衰。
【總結】
我從來都唔信雜誌嗰啲咩大獎。今次都係，竟然見到有「粉麵類銅獎」，果然又亂噏。呢度應該攞 *金獎* 啦
用餐限時一小時，fair enough 啦。
張貼