URBAN Cafe (駱駝漆大廈第一座)

營業中

休息中

urban cafe係貓cafe中算好衛生乾淨，入之前都係要著餐廳提供既膠套腳套，量好體溫同消毒好雙手，而且通風系統好，所以無異味。挪威煙三文魚牛油果酸忌廉墨西哥餅 $78煙三文魚配牛油果口感幾好，而且酸忌廉恰到好處，做開胃前菜唔錯，配有少少沙律菜，更加清新。水牛城雞翼$68賣相都幾吸引，大大隻，外面炸得酥脆再加埋酸酸辣辣味道，好有食慾。芝士黑松露忌廉菠菜野菌意大利飯$98食落好creamy ，加上黑松露味道更豐富，以貓cafe黎講，質素都算唔錯。食既時候都不時有貓貓穿插係側面或枱底，佢地一d都唔怕生，仲訓埋落袋到，不過要小心，佢地會不經意咁曳曳偷食我地既食物，所以我地都要溫柔咁撥開佢地，驚佢地亂食。