雲小館

今日如果唔係秦石邨個區議員辦事處開免費手機應用班，我同鄰居就唔會無啦啦由博康邨走來呢度，原來喺車公廟地鐵站F出口搭升降機落嚟就係雲小館，我哋走嗰陣時先發現，原來星期日呢間餐廳特別爆，因為附近有三間教會，自從魚米家搬走咗之後，我都未嚟過車公廟地鐵站，今日我哋亂咁點，點咗：

1）酸辣湯例牌：每人有差不多三大碗，味道正常，唔係落傳統嘅豬紅，係落蝦仁。

2）每日海上鮮套餐（蒸魚版） - 原先我哋諗住叫糖醋魚塊，但係見到好多人叫蒸魚套餐餐，我哋又叫，今日係蒸波𩶘，雖然唔大條，豉油及熟油唔會太多，但係都好好味，都有肉，前菜係青瓜，做得很好，好爽口，又夠味。煎魚蛋，今日係煎紅衫魚。

3）紅燒豆腐套餐客飯套餐，前菜係醃椰菜，好好食，啲紅燒豆腐好嫩滑，個樣睇落去雖然唔係靚，但係味道很好。

4）鎮江餚肉，唔係一條條嘅，係一片片大片的，好好味，個醋汁又薑絲。

5）煎鍋貼，都好味好夠熱！

6）客午餐套餐，每人都叫咗凍檸茶，我嗰杯係少甜，味道稍為澀咗少少，但係啲冰好夠多，透心涼！甜度都合格

原來冇停車場位的，只可以搭地鐵嚟，可以預訂，晚餐九折，原來地鐵站多咗滙豐銀行二十四小時自助理財中心，不過由沙角邨和博康邨行唔到來了，個地下隧道封了，只可以搭地鐵。

店長好Nice！雖然踢晒腳，都冇唔理我哋！聽店長講雲小館只此一家，並非連鎖店。

每日海上鮮套餐有蒸和煎的兩款揀，我們揀咗蒸的，今日是波𩶘，蒸魚豉油特別好味，落嘅熟油唔多，夠健康，但係夠味道。

$72

1

夠味道唔會太鹹，又唔會太甜，最緊要係爽脆！

同一般傳統一條條嘅唔同，係一塊塊大片的，嗰個醋唔知係乜牌子好好味，仲有切到好幼不欺場的薑絲跟埋。

$79

最終每人飲咗三碗先飲得晒，唔係勁好味，但係都唔錯！

$108

全沙田最好食嘅紅燒豆腐係呢間，豆腐入面好嫩滑，外皮炸得好靚，但係唔會肥林林，雖然外型睇落去唔係好似好靚咁，我同鄰居搶食！

$58

有四件

$49