南豐餐廳

營業中

休息中

幫朋友攞啲嘢入嚟九龍灣，順便一齊食晏。唔想行太遠，去咗麗晶商場地下呢間「南豐餐廳」。餐牌選項非常之多，除咗碟頭飯之外，原來仲有燒味同小菜套餐等供應。點咗順德爆魚腩煲 同 玻璃大蝦炒滑蛋，小菜奉送白飯、例湯/熱飲。魚腩煲熱辣辣，送上時薑香四溢。魚腩大大件，非常足料，外皮煎到金黃香脆，魚肉嫩滑，加上吸收晒薑蔥汁精華，滋味無窮。蝦球好大隻，新鮮爽彈，入口啖啖肉，雞蛋炒得非常滑溜，配上香口蔥花，送飯一流！飲品：奶茶香滑、杏霜微甜順喉，入口散發濃郁杏仁香。