桂花糕既玫瑰造型好靚，上下漸層清晰，入口清甜。紅豆餅外層有啲似香蕉糕，一咬紅豆饀爆出。
🔸口水汁龍利魚腸粉 $42 ‼️推薦‼️
呢個配搭真係第一次見! 口水汁初入口有種甜味，最後辣味湧出，唔會太辣，但幾滋味。龍利魚同腸粉都好滑，入口淋滋滋，配底下爽脆既青瓜絲，口感豐富。
🔸馬拉小籠包 $42
小籠包咬落爆汁係基本，但今次爆既係肉骨茶，似褔建派做法，偏向藥材味，食落肉汁唔肥膩，感覺好養生。
🔸酸菜魚鳳眼餃 $40
外皮煙韌，表面有個小魚塊，酸菜味道唔算好出，但加左花椒，辣度十足，好惹味。
🔸龍燒賣 $42
只係燒賣都有8款選擇，貪心啲龍燒賣，可以試到4款口味，包括:
麻辣牛肉: 似辣既生竹牛肉球，肉質軟滑
滷水鵪鶉蛋: 滷過既鵪鶉蛋夠入味，出面多數都唔會滷><
龍蝦汁墨魚: 墨魚燒賣彈牙，一咬會爆汁，食時要小心熱
原味燒賣: 經典燒賣味道，入面包左豬肉同冬菇
🔸長腳蟹肉燒賣 $68
一籠得兩粒，價錢比較貴，但見幾特別就叫左，而且比普通燒賣大粒。蒸完後，師傳會鋪上新鮮蟹肉同蟹籽係表面，所以會有一冷一熱既感覺。饀料都混人唔少蟹肉，同啲豬肉饀又幾夾。
