Le Viet (已結業)

今日同老細喺旺角做完嘢，佢無啦啦話請我食飯，我都有啲受寵若驚，見佢咁有誠意，我都無謂推啦，不過我都冇諗過要食咗佢隻車嘅，於是乎就帶咗佢上去銀行中心嘅Le Viet食個lunch。呢度嘅午餐好抵食，平均都係$70上落，仲有湯同飲品，真係一啲都唔貴，所以午市都好旺場。我就揀咗食串燒配香辣炒飯，串燒set咗係豬、牛、雞各一串，不過店員都會提一聲，如果食客有邊款肉類唔食嘅，佢都會按客人意願換其他串燒，服務稱心又細心。我覺得呢一間嘅串燒，無論係雞、牛、豬，都非常好食，肉質鮮嫩，唔會燒到乾爭爭，再配合埋佢嘅沙嗲醬，真係無得輸！至於佢嘅香辣炒飯，係帶少少辣，炒飯入面有蔬菜，我就好鍾意呢個配搭。老細就揀咗咖喱牛腩鍋，貪佢夠大推頭，仲配一大碗白飯。入面除咗有牛腩之外，亦有牛筋、薯仔、洋蔥、三色椒等，非常豐富！咖喱汁非常惹味，撈飯真係一流！呢個牛腩鍋上枱時會用熊熊烈火烘住，保證夠晒熱辣辣，不過太熱嘅咖喱其實個味道就更加辣，所以煮滾咗之後，我哋就請店員幫忙整熄個火。老闆見到隔離枱叫咗嘅大頭蝦好吸睛，於是乎佢又話要叫返一份，雖然有啲唔好意思，但係其實我都心思思，影張相打吓卡都好吖嘛！大概等咗20分鐘，終於有得