影片
更多
2018-02-11
206 瀏覽
今晚同為食友黎位於蘇豪酒吧區的De Belgie happy hours, 今晚有點凍, 上環站行上蘇豪區比較冷清, 少左人企出酒吧外飲酒高啖闊論, 比平時周街都係摸住酒杯底的客人, 顯得有點不習慣呢。De Belgie非常傳統的酒吧格局, 牆身放滿不同的酒。酒吧內還有多部大型電視供客人邊飲邊睇球賽啤酒可以賣到 $598/杯？有機會真係要試試, 不過唔係今晚, 等我中到六合彩三獎以上先酒類多到呢…….包羅了多國巧手菜; 德國豬手、西班牙火腿、英國炸魚薯條、比利時青口…….坐低等朋友, 先來一杯白生啤回一回氣先。生啤 Celis White ($78)呷一口, 真係由心涼返出嚟, 呢隻比利時手工生啤屬於清爽淡口型啤酒, 麥味較輕, 散發著淡淡的清新天然果香。估唔到系呢度可以用$178試到風乾64個月嘅西班牙火腿, 火腿出自食100%橡樹果大既西班牙黑毛豬豬風乾而, 聽說西班牙Guijuelo出品既西班牙火腿係全世界最美味嘅火腿, 咁誇? 係真唔係呀? 其餘兩款西班牙火腿都係上乘之貨, $178值得一試。Deluxe Ham Platter ($178/50g)包了三種不同月份出品的西班牙
De Belgie非常傳統的酒吧格局, 牆身放滿不同的酒。
酒吧內還有多部大型電視供客人邊飲邊睇球賽
啤酒可以賣到 $598/杯？有機會真係要試試, 不過唔係今晚, 等我中到六合彩三獎以上先
酒類多到呢…….
包羅了多國巧手菜; 德國豬手、西班牙火腿、英國炸魚薯條、比利時青口…….
坐低等朋友, 先來一杯白生啤回一回氣先。
生啤 Celis White ($78)
呷一口, 真係由心涼返出嚟, 呢隻比利時手工生啤屬於清爽淡口型啤酒, 麥味較輕, 散發著淡淡的清新天然果香。
估唔到系呢度可以用$178試到風乾64個月嘅西班牙火腿, 火腿出自食100%橡樹果大既西班牙黑毛豬豬風乾而, 聽說西班牙Guijuelo出品既西班牙火腿係全世界最美味嘅火腿, 咁誇? 係真唔係呀? 其餘兩款西班牙火腿都係上乘之貨, $178值得一試。
Deluxe Ham Platter ($178/50g)
包了三種不同月份出品的西班牙火腿
1. 100% Acorn-fed lberico Ham Guijuelo 64 months 10g（前排）
2. 100% Acorn-fed lberico Ham Jabugo 48 months 20g（中排）
3. Grain-fed Countryside lberico Ham 40 months 20g（後排）
Grain-fed Countryside lberico Ham 40 months
肉比較淡色, 入口清新油香, 鹹度相對較淡。
100% Acorn-fed lberico Ham Jabugo 48 months
Jabugo係西班牙火腿名牌製造商, 呢隻肉色比較Grain-fed深色, 肉質表面油潤, 色澤亮麗, 入口柔滑味鮮帶甘甜。
100% Acorn-fed lberico Ham Guijuelo 64 months
我最期待的 Guijuelo出塲, 觀其外表, 好明顯係三隻中肉色中最深的, 呢隻火腿較有咬口, 肉一味濃郁, 脂肪較多, 甘香得嚟又唔會食到成口油, 唔好以為陳得越耐就越鹹, 不一定的, 呢隻風乾左 64個月後, 海鹽嘅鹹味已經跟火腿肉融為一體, 變得甘醇而不死鹹了。三隻中個人比較鐘意Jabugo 。
呢個牛油香草脆爆多士, 薄薄一片, 脆如薯片, 配西班牙火腿食又系另一番滋味。
為咗迎接下一個主菜.....係時候叫多杯;
生啤 ~ Paljas Saison ($78)
荔枝味非常強勁的生啤, 忍唔住大啖大啖喝了幾口, 帶麥香, 但沒有苦澀的餘韻, 同樣屬於適合女士喝的清爽型果味生啤。
Roasted Pork Knuckle ($268)
呵呵....你話呢個主菜係咪一定要飲啤酒呢?!
德國鹹豬手好大隻, 分量十足。
豬皮皮下脂肪己撇走了, 薄薄的一層豬皮, 豬手中間位置的燒得好脆, 脆卜卜又香口, 但近豬手側邊位置的豬皮有點硬, 唔夠脆。
太愛食骨膠原豐富的爽口豬根了, 大部分豬瘦肉都帶少許肥肉及猪根, 令豬肉肥美得嚟唔嚡口, 耐唔時食到件全瘦肉的, 有些少韌, 整體隻豬手都幾好食, 冇雪藏味, 仲燒得幾有肉香, 鹹度也適中, 若然你覺得唔夠味, 可以拈些伴碟烤汁吃。
勁酸的酸菜, 齋食真係好'孫'好'孫', 將佢放兩粒落豬手肉伴食, 感覺又唔同曬, 豬手食多兩嚿都唔覺膩。
Chocolate Fondant ($78)
食乜都好, 女士食完餐飯, 還是愛用甜品來結尾。
呢個朱古力心太軟用純度較高的比利時黑朱古力製作, 切開, 朱古力漿唔係太流心, 但我一啲都唔介意, 糊狀的朱古力漿反而令朱古力味更濃縮, 香濃滑溜唔粘口, 成個心太軟都唔太甜
最愛吃朱古力脆皮內依附那層凝固咗嘅比利時黑朱古力, 口感似軟滑版班尼, 好味。
張貼
