影片
更多
2023-05-18
26 瀏覽
一餐Omakase 動輒要千幾，甚至乎兩千一位，都唔係幾捨得咁貴仲唔一定值回票價。如果想感受下廚師發辦嘅體驗，感覺輕鬆啲的話，呢間就啱晒入門級嘅你。滝雲，位於尖沙咀金馬倫道尾，隔離係陳師傅，地鋪位置方便易搵。前半部為Omakase長枱，入面就為用餐區。如果想casual 感受下Omakase，可以揀用餐區，就可以專心自己同friend 傾偈。➤先付 醬油粒貝好入味，味精很甜 濃厚，而粒肉就好爽口。➤時令刺身5點 真鯛 深海池魚 吞拿魚 牡丹蝦 帶子今晚嘅池魚好肥美，肉質細緻爽口好甜美。至於真鯛肉質柔韌，彈性。另外三款都係常見嘅食材，牡丹蝦處理得好好，而帶子就好爽口。➤時令海鮮西京燒馬友好少食燒嘅馬友，可況係西京燒。馬友相對地冇咁肥美，肉質比較硬身，變相又係另一番風味。➤串燒 6串雞翼 雞脾肉 肥尾 雞腎 甘薯 青椒仔以雞為主嘅串燒，熱辣辣上枱可以暖下胃。雞髀肉燒得啱啱好，好juicy，雞尾係整隻雞脂肪含量最高嘅部份，所以亦都係最肥美，處理得好好完全冇奇怪嘅味道。另外雞翼好乾身，另外兩樣蔬菜都唔錯。➤壽司5件象拔蚌 魷魚 賴尿蝦 銀鱈魚 海膽主菜上場，其實都有少少飽。五款食材都係用簡單嘅
如果想感受下廚師發辦嘅體驗，感覺輕鬆啲的話，呢間就啱晒入門級嘅你。
滝雲，位於尖沙咀金馬倫道尾，隔離係陳師傅，地鋪位置方便易搵。
前半部為Omakase長枱，入面就為用餐區。如果想casual 感受下Omakase，可以揀用餐區，就可以專心自己同friend 傾偈。
➤先付 醬油粒貝
好入味，味精很甜 濃厚，而粒肉就好爽口。
➤時令刺身5點
真鯛 深海池魚 吞拿魚 牡丹蝦 帶子
今晚嘅池魚好肥美，肉質細緻爽口好甜美。至於真鯛肉質柔韌，彈性。另外三款都係常見嘅食材，牡丹蝦處理得好好，而帶子就好爽口。
➤時令海鮮
西京燒馬友
好少食燒嘅馬友，可況係西京燒。馬友相對地冇咁肥美，肉質比較硬身，變相又係另一番風味。
➤串燒 6串
雞翼 雞脾肉 肥尾 雞腎 甘薯 青椒仔
以雞為主嘅串燒，熱辣辣上枱可以暖下胃。雞髀肉燒得啱啱好，好juicy，雞尾係整隻雞脂肪含量最高嘅部份，所以亦都係最肥美，處理得好好完全冇奇怪嘅味道。另外雞翼好乾身，另外兩樣蔬菜都唔錯。
➤壽司5件
象拔蚌 魷魚 賴尿蝦 銀鱈魚 海膽
主菜上場，其實都有少少飽。五款食材都係用簡單嘅方法去處理，可以食到佢哋最原本嘅味道，象拔蚌好爽甜，魷魚就爽口，個人最鍾意都係海膽，比較肥美鮮甜，至於銀鱈魚壽司因為燒過，油脂感好豐富好柔嫩，都係出邊比較少見。
➤手卷
吞拿魚蓉手卷
香港人至愛，變成蓉嘅吞拿魚，變相口感冇咁肥。如果之前未食飽嘅話，食埋呢個手卷就真係啱啱好。
➤吸物
麵豉湯
食完一堆凍嘅嘢食，飲返一碗暖嘅湯唞吓
➤甜品
咖啡慕絲
最尾仲要有甜品，好滑又有咖啡味，會令人食完想再食嘅甜品。
早過嚟講啊，呢個價錢可以食到Omakase 其實都值得一試，算係入門級嘅開始，好啱一啲輕鬆啲但係又想體驗吓食廚師發辦嘅朋友仔。
張貼
