愛家素食 (淘大商場) (已結業)

唉!!我應該入錯店舖,事關此店係一間素食店,所有食物都冇落蔥蒜,蛋同奶,正正因為如此,整出嚟嘅糕餅原來好鬼難食.我同家人叫了三款糕餅嚟試,最難食嘅係朱古力慕絲糕餅,可能冇落牛油同忌廉關係,質感同味道都好怪,唔似出面食嗰啲,又香又滑.至於杏仁咖啡糕餅,餅底雖然嚡實實,但杏仁同咖啡味尚算香濃,味道可以接受.講到最好食係合桃提子批,雖然冇加牛油同蛋,但整得嚟都幾鬆化,值得一讃.總括嚟講,我諗自己唔會再次幫襯,試過一次就夠,算我未能食素,罪過!!罪過!!