火箭餐廳

營業中

休息中

每一次入迪士尼玩都想留耐啲，即使快餐可以喺出邊食到，為咗氣氛同埋留喺園內耐少少，每次都會選擇入園之後去火箭餐廳食快餐。呢度嘅炸雞係我覺得比起一般快餐店好食10倍嘅～每次一咬開啲肉汁都會漏出黎，而且係兩件每一啖肉都咁juicy！加好多分～炸皮同埋雞肉係行輕微皮肉分離嘅路線，不過炸皮嘅厚度適中、調味都唔會太重手，加埋雞肉一齊食都係完美嘅配搭！薯條亦都炸得脆身香口，加上喺迪士尼樂園入邊火箭餐廳都算係比較平價嘅選擇！