CC BAKERYYYY x 千禧咖啡

營業中

休息中

趁住Happy Friday，真係要獎勵一下辛苦工作完一星期嘅自己，依間「CC BAKERYYYY X 千禧咖啡」嘅千層蛋糕同咖啡都好出名，咁啱撞上佢哋推出咗開心果系列嘅新產品，就一定要試下喇！黑松露卡邦尼意粉（單點$128），表面鋪滿巴馬臣芝士碎，黑松露醬份量多，味道濃厚，內有煙肉、蘑菇，意粉容易掛汁，食落充滿蛋香。芝士肉醬窩夫（單點$88），表面鋪滿巴馬臣芝士碎、香草，肉醬調味偏向日式、味道偏甜，食落甜中帶酸，略嫌肉碎比較少，窩夫口感外酥脆內鬆軟。意大利開心果千層蛋糕（單點$42），表面鋪滿開心果碎，千層蛋糕每層餅皮層次分明、厚薄均勻，大約0.01cm厚度，開心果忌廉口感Creamy，甜度適中，整體食落近乎入口即化。提拉米蘇千層蛋糕（單點$42），內有一層咖啡酒海綿蛋糕，酒味濃香。凍開心果拿鐵（單點$58），表面鋪有意大利開心果醬、開心果碎，飲落好清新。凍焙茶拿鐵（單點$52），焙茶茶味濃郁、帶有回甘，奶味醇厚。