金曼谷泰國餐廳

營業中

休息中

以前成日經過因為中學0係呢間餐廳附近，今日再臨，餐廳依然係度，依然甘多人幫襯，應該算係呢一區既老店。門口有四面佛店內裝修仍然以樸實為主， 有泰王既相，似傳統泰國餐廳豬肉生菜包份量都幾多，拎到上枱又熱又香。豬肉碎有肥有瘦，食既時候好多汁又滑。蒜泥亦都切到好碎，包埋既時候都食到。炒得有穫氣，好香九層塔味生菜亦都揀過，每塊都大大塊，唔會唔夠生菜去包，而且生菜好新鮮，洗得好乾淨，抵讚金曼谷沙律用得餐廳名命名，呢碟沙律應該都算係招牌菜。沙律用上好多海鮮，有魚柳，魷魚，青口，蝦，用料都幾重本，而菜就只得生菜。沙律汁酸酸地，似青木瓜沙律既汁，但呢個沙律都幾辣，唔識得辣既都要order 少辣。 其實呢個沙律似前菜多d, 多肉少菜， 好抵食！咸魚炒芥蘭咸魚都幾多， 好有咸香，而且食到一粒粒咸魚。芥蘭有用薑粒去炒，加埋咸魚既咸香，唔使再加其他調味都好好味。好欣賞呢度既炒菜都好有獲氣咸檸水飲品就清清地叫左杯咸檸水。有成個檸檬，但又唔會酸，可能個檸檬醃得夠耐。 我係加糖，可以消下滯又解下熱氣，非常醒神！估唔到沙田有間平平地又好味既泰菜，唔怪之得係呢一區甘耐。臨走時仲見到有人特登去book 枱食飯，睇黎都幾旺