影片
更多
2018-04-14
372 瀏覽
今日係公公嘅80大壽， 屋企人特別為佢喺東海薈訂咗一圍壽酒，適逢東海飲食集團三十六週年，各款壽宴套餐，均由經驗豐富既廚師團隊精心設計，用料上乘，匯聚多款大受歡迎既招牌菜式，我地揀咗個【福壽年年宴】，每圍都只係五千零蚊，就有原隻鮑魚又翅又杉虎斑， 認真超值。首先嚟嘅係鴻運金豬全體，呢隻乳豬皮下脂肪唔多，每一塊皮嘅底下都有肉食，皮連肉一齊食係我最鍾意嘅乳豬狀態，一口咬下，豬皮香脆得嚟唔會太鹹，肉質仍然可以保持住嫩滑多汁，除咗因為大廚掌握好燒烤既火候同埋時間之外，原來仲選用咗飼養大約 40日既乳豬燒製而成，點埋個甜甜地嘅乳豬醬就達致最高境界喇。翡翠炒花枝蝦仁，蝦仁數量極多，大大隻每人食一嚿都仲有剩，花枝口感煙韌，夾埋底下超甜嘅蜜糖豆一齊食，好味。乾貝野菌扒時蔬，呢個清清哋嘅三少之選，由靈芝菇，金菇，雲耳，白菜同乾瑤柱煮成，個味道清清地，帶出瑤柱嘅香味，實屬唔係成日有菜食嘅城市人嘅福音，如果個獻少啲相信會更加好。百花炸釀蟹鉗，蟹鉗炸得極之酥脆，外層嘅炸漿又唔會太厚，咬落啖啖都咯咯聲，蟹鉗嘅入面係新鮮嘅蟹肉，每一啖都係食得出嘅鮮味；蘸一蘸甜酸醬食，更加醒胃。紅燒竹笙蟹肉翅，蟹肉翅相當足料，真係有
今日係公公嘅80大壽， 屋企人特別為佢喺東海薈訂咗一圍壽酒，適逢東海飲食集團三十六週年，各款壽宴套餐，均由經驗豐富既廚師團隊精心設計，用料上乘，匯聚多款大受歡迎既招牌菜式，我地揀咗個【福壽年年宴】，每圍都只係五千零蚊，就有原隻鮑魚又翅又杉虎斑， 認真超值。
首先嚟嘅係鴻運金豬全體，呢隻乳豬皮下脂肪唔多，每一塊皮嘅底下都有肉食，皮連肉一齊食係我最鍾意嘅乳豬狀態，一口咬下，豬皮香脆得嚟唔會太鹹，肉質仍然可以保持住嫩滑多汁，除咗因為大廚掌握好燒烤既火候同埋時間之外，原來仲選用咗飼養大約 40日既乳豬燒製而成，點埋個甜甜地嘅乳豬醬就達致最高境界喇。
翡翠炒花枝蝦仁，蝦仁數量極多，大大隻每人食一嚿都仲有剩，花枝口感煙韌，夾埋底下超甜嘅蜜糖豆一齊食，好味。
乾貝野菌扒時蔬，呢個清清哋嘅三少之選，由靈芝菇，金菇，雲耳，白菜同乾瑤柱煮成，個味道清清地，帶出瑤柱嘅香味，實屬唔係成日有菜食嘅城市人嘅福音，如果個獻少啲相信會更加好。
百花炸釀蟹鉗，蟹鉗炸得極之酥脆，外層嘅炸漿又唔會太厚，咬落啖啖都咯咯聲，蟹鉗嘅入面係新鮮嘅蟹肉，每一啖都係食得出嘅鮮味；蘸一蘸甜酸醬食，更加醒胃。
紅燒竹笙蟹肉翅，蟹肉翅相當足料，真係有大大舊嘅新鮮蟹肉喺入面，每一啖都充斥住蟹肉嘅鮮味，連平時嗜醋既大姨媽都話基本上唔使點落醋都相當之好食。
蔥油蒸杉虎斑，杉虎斑係一種由杉斑同老虎斑混種而成既海魚，杉虎斑肉質比沙巴龍躉更嫩滑，更有魚味及鮮味，喺大口大口鮮味既魚肉當中加插爆香咗既蔥油，倍添美味。
蠔皇原隻鮑魚伴花菇，經過嚴格挑選既鮑魚，用上特製既蠔皇汁長時間烹煮，大大提升咗鮑魚既鮮味，鮑魚個子亦不小，每位一份，特別鍾意靚鮑魚嗰隻煙韌又彈牙嘅口感，同埋嗰隻香濃嘅蠔油味，夾埋鮑魚花菇一齊食就最夾。
脆皮炸子雞，聽聞東海嘅炸子雞係呢度嘅招牌菜，好彩我哋呢個福壽年年宴都有一隻，呢度嘅炸子雞外皮炸得十分香脆，喺外皮之下係恰到好處嘅脂肪，唔會話太肥膩，脂肪底層係嫩滑嘅雞肉，隻雞火喉掌握得啱啱好，好滑。
長壽蝦子炆伊麵，長壽伊麵通常都出現喺壽宴既菜單上面，不過呢度仲加埋蝦子，令到平時既炆伊麵倍添鹹香，一啖入口，先傳嚟濃濃既蝦籽香味，彈牙既麵條吸收哂上湯同埋蝦籽既精華，加埋伊麵既好朋友韮王，雖然嚟到尾聲，依然話咁快就俾我地清哂。
東海壽桃包，喺酒樓擺壽宴，最後出場既必定係壽桃包，壽桃包係中國人既賀壽包點，外形參考王母娘娘嗰個三千年開花，三千年結果既蟠桃，寓意健康長壽。東海壽桃包作為呢度嘅名物，真係唔講得笑，由四川湘蓮打成既蓮蓉，半凝半溶，入口盡是陣陣既蓮子香氣，清甜而不膩；裏面個鹹蛋黃選用咗蒸至半熟既越南鹹蛋，搣開鹹蛋黃油緩緩流出，咬開起沙之餘仲流緊油，確實係視覺同埋味蕾上既極致享受；除此之外，喺三日前預訂仲可以免費將東海壽桃包轉換成陳皮紅豆壽桃包或者阿華田軟心壽桃包添。
食完之後，大家對住公公唱:「 恭祝你福壽與天齊~~ 慶賀你生辰快樂~~ 年年都有今日~~歲歲都有今朝~~ 恭喜你~恭喜你~~」 令公公笑逐開顏。 人生如此，能夠兒孫滿堂， 樂聚一堂， 確實是福氣。
張貼
