馬哥孛羅咖啡廳

阿J細佬幸運地得到4位免費自助晚餐coupon,當然要同一家人分享禮物,阿J雖然不喜歡食自助餐,但有此機會當然要去試試。一去到,先行一圈睇下有咩食,眼見1/3係生冷既食物,好似係凍蟹,生蠔,沙律,魚生,壽司等等,我一向唔食生野,生冷既海鮮又麻麻地,沙律又唔係咁鍾意食,所以已經少了1/3選擇,再行甜品那邊,有好多甜品都同朱古力有關,我又一向不太鍾意朱古力,所以選擇便越黎越少。其實當晚的食物都有d係幾好味,好似磨菇pizza,炸火雞,蘋果批等等,中西日式食物每樣有少少,款式不太多,又好普通,味道亦一般而已,最多選擇係雪糕,有6款揀,款款都超甜,名符其實真正既"甜"品。個晚正價收費要$338,撇除我唔食個d野既因素,我都覺得唔值,以咁既價錢肯定有更好既選擇,用3百幾蚊食普通野真係唔係幾抵。