講開跑馬地馬場，好多人都以為只係賭馬嘅地方，
但原來逢星期三Happy Wednesday，
場內有間餐廳叫「先駿廊」，絕對係隱世良心抵食之選！
$200一位，唔單止包一份晚餐，
仲可以坐足成晚，
無限暢飲汽水、奶茶、咖啡同檸茶，
最正係個環境——大看台4至5樓，
俯瞰成個賽道同終點柱，馬匹衝線一刻真係震撼到起雞皮疙瘩！
老實講，喺銅鑼灣同跑馬地食個普通晚餐，
$200都未必夠啦，呢度仲要包埋無敵景觀同現場氣氛，真心抵到爛！
是日3款菜式：
1.三式海味獅子頭
2.焗鱸魚柳+雞茸忌廉湯+麵包+南打芝士粒車厘茄沙律
3.紅咖哩牛坑腩+南蠻炸雞+雞茸忌廉湯
我和朋友選了2號及3號
2.焗鱸魚柳+雞茸忌廉湯+麵包+南打芝士粒車厘茄沙律
3.紅咖哩牛坑腩+南蠻炸雞+雞茸忌廉湯
每份都跟湯 大家share食小食同沙律
2款都幾唔錯！
首先講吓個「雞茸忌廉湯」，
一上枱就聞到好香奶味，飲落好滑，
仲有啖啖雞茸，唔係一般茶餐廳嘅開粉湯，誠意十足！
跟湯嘅餐包係微暖嘅，外脆內軟，點湯食一流。
至於個「南打芝士粒車厘茄沙律」，清新開胃，
車厘茄爆汁甜爽，芝士粒鹹香有咬口，作為前菜好醒胃。
2號餐「焗鱸魚柳」，一上枱就聞到濃濃芝士香！
魚柳厚身，焗得剛剛好，表面微焦，內裡肉質依然嫩滑，
一啲都唔鞋口，仲有淡淡檸檬香吊味，
配埋忌廉醬汁同薯菜，整體好夾，唔會膩。
朋友食到舔舔脷，話完全超出預期！
我就揀咗3號餐「紅咖哩牛坑腩＋南蠻炸雞」，
一次過試齊兩種主打！牛坑腩燜得極淋，
入味非常，紅咖哩香而不辣，帶少少椰奶甜香，
送飯簡直一流！
至於南蠻炸雞，外皮炸得金黃酥脆，
內裡雞肉保持juicy，點埋醬醬，
酸酸甜甜好過癮。
呢個組合真心驚喜，唔似一般馬場快餐，似足西餐廳水準！
環境方面，我哋坐咗露台位，睇跑馬真係好正！
大堂部份仲有私人電視，方便睇實賽事動態，
5樓全落地玻璃，景觀開揚，絕對係睇馬首選位置。
總括來講，先駿廊$200呢個價錢，有景、有氣氛、有質素，
仲要無限飲品，真係冇得輸！
無論是否馬迷，呢度都值得來體驗一次
朋友忍唔住話：「下次Happy Wednesday再來過！」
餐廳：先駿廊
地址：跑馬地跑馬地馬場大看台4-5樓
