麵屋一平安 (已結業)

去人氣甜品店食梳乎厘班戟，唔想排隊唯有倒轉次序，先甜品後正餐。原先以為夜咗少人食霸嗎拉麵，點知都係排長龍，朋友趕時間關係就轉到美麗華商場拉麵一平安。環境嘈雜，好彩坐到最角落既一張枱，4個人叫咗兩個拉麵二人套餐（$288），每個餐可選兩款主食及小菜包飲品三文魚刺身 - 有五塊，正常質素香蔥牛舌 - 牛舌切得出奇咁薄，油落得太多，食到成口油章魚燒 - 外皮夠乾身，食落唔會一口粉燒銀鱈魚 - 外表現黑色網狀屬真正鱈魚，燒得稍為過火所以脂肪流失略為扣分博多拉麵 - 湯底麵質普通，特別在有粒鵪鶉蛋又有半邊真正流心蛋，叉燒太過肥美，整體不過不失熊本拉麵 - 紫菜上印有可愛熊本熊，除了過份肥美叉燒同整隻流心蛋，還有一件滷五花腩，滷得入味但欠缺鬆軟效果燒和牛丼 - 和牛油花平均充滿牛香，油份滲入飯內，混入蔥花一齊食，套餐中最滿意既一碗除了檸茶檸水奶茶咖啡，連汽水都要加8蚊，鮮檸生薑蜜同杞子紅棗茶唔會太甜，味道都算正常