影片
更多
2019-12-15
121 瀏覽
男朋友鍾意睇波，所以今次帶佢嚟呢個好有特色嘅餐廳，顧名思義，呢間餐廳係運動場做主題嘅，除咗室內面積好大，仲有indoor 同outdoor 坐位，啱兩個人撐枱腳，又啱一大班人嚟食嘢，更加啱鍾意睇運動節目嘅朋友仔，因為場內有多部大電視，可以睇唔同嘅賽事。好耐之前嚟過一次，已經覺得坐得好舒服，今次再嚟，呢度變咗聖誕美國村，除咗播着輕快嘅英文歌之外，仲佈置得好有聖誕氣氛🎅🤶嘢食方面，可以用一個字黎形容，「大」，無論係主食，定係小食都好大份，多人嚟一齊share食就very good啦，最後點左：脆烤雞翼 $88雞翼係BBQ醬整既，伴碟嘅沙律都有啲酸酸地既汁配番，好開胃，雞翼沾滿左BBQ醬，一咬落去係香脆嘅外層，入面嘅肉好嫩，好好味😋巴馬火腿無花果 $88 平時parma ham 都係配哈密瓜，今次呢個配搭既有新鮮感，又好味，無花果平時就咁食會偏甜，但呢個小食就加左sour cream 響面，中和番甜味。茄汁肉丸意粉 $128茄汁酸味好夠，唔會係落咗cream 令其變淡，肉丸更加成為主角，厚實嘅質感，比乒乓波仲要大粒既豬肉丸好好味安格斯牛肉漢堡 $138跟餐已經有粗薯條，有酸嘅沙律醬同埋茄汁點
好耐之前嚟過一次，已經覺得坐得好舒服，今次再嚟，呢度變咗聖誕美國村，除咗播着輕快嘅英文歌之外，仲佈置得好有聖誕氣氛🎅🤶
嘢食方面，可以用一個字黎形容，「大」，無論係主食，定係小食都好大份，多人嚟一齊share食就very good啦，最後點左：
脆烤雞翼 $88
雞翼係BBQ醬整既，伴碟嘅沙律都有啲酸酸地既汁配番，好開胃，雞翼沾滿左BBQ醬，一咬落去係香脆嘅外層，入面嘅肉好嫩，好好味😋
巴馬火腿無花果 $88
平時parma ham 都係配哈密瓜，今次呢個配搭既有新鮮感，又好味，無花果平時就咁食會偏甜，但呢個小食就加左sour cream 響面，中和番甜味。
茄汁肉丸意粉 $128
茄汁酸味好夠，唔會係落咗cream 令其變淡，肉丸更加成為主角，厚實嘅質感，比乒乓波仲要大粒既豬肉丸好好味
安格斯牛肉漢堡 $138
跟餐已經有粗薯條，有酸嘅沙律醬同埋茄汁點，burger 又係勁大份，配料都多到爆哂出黎，貼心既店員亦主動問洗唔洗幫我cut half, 真貼心。
總括而言，唔唔止「大」可以形容呢到既野食，性價比都非常高呢！
張貼
