星怡 (已結業)

近排鍾意食星馬菜，一出尖沙咀地鐵站iSquare就有呢間星馬菜，門面裝修幾靚，又有啲壁畫可以打吓卡，又夠企理，睇嚟唔錯，今晚就試左以下幾款：1）星洲麥皮蝦 炒到超級乾爽香口惹味嘅麥皮埋藏住一隻隻炸到脆身，而蝦殼又唔會介口嘅虎蝦，係我地第一次食，啲蝦肉唔梅，好食！2）特大炸雞脾辣死你阿媽配椰漿飯 脆炸雞脾炸到好香脆，雞脾大大隻，配埋隻煎香流心蛋，正正！！呢個椰漿飯好似加左啲蝶豆花既藍色，幫碟飯生色不少！女仔細食的話，呢個飯可以兩份分😆😆3）怡保芽菜 呢個係用左地道東南亞品種肥嘟嘟既芽菜黎炒，拌有麻油香、魚露香、蔥花，芽菜爽脆。個人覺得如果當晚有叫其他濃味食物，菜的話叫呢款芽菜清清地係唔錯選擇！而且呢度既芽菜似乎好好賣，我地叫完無耐就聽到已經賣曬4）百香果水果茶（凍）錯有錯著，本身叫左杯熱既，但就黎左杯凍既，侍應事後都知自己落錯左，仲主動問洗唔洗幫我地換返（呢個態度值得稱讚，雖然最後我地都無所謂照要凍既😆）凍飲裝飾得靚靚，好在唔算多冰，有返啲甜度，唔酸。如果叫熱飲應該裝飾唔到咁靚😆😆5）炸榴槤湯丸（2粒）最後叫埋呢個甜品作結，內裏既榴蓮蓉係真榴槤肉，個外皮雖然炸到超脆，但切開都仲見到一層無