影片
更多
2022-07-21
2268 瀏覽
好幾次去Donki shopping，都比呢間充滿度假風情嘅餐廳吸引。趁住放假，一於悠悠閒閒過嚟chill吓先🏝🏝。🐷🐷餐廳叫得做Pizza Pig，唔使多講，pizza一定係signature嘅。不過佢個餐牌pizza嘅款式都有唔少，最後揀咗個Signature Piggie，再加個蒜辣白酒蜆肉意粉，甜品要Tiramisu。🍕🍕Signature Piggie（$198）- 雖然只係叫咗medium size (15吋)，但上菜已經覺得相當震撼，足足霸佔咗半張枱。材料亦都好豐富，包括有手撕豬手、意大利香草肉腸、辣肉腸、火腿、燈籠椒、紅洋蔥及芝士等。Pizza面仲加咗啲炸豬皮，份外香口。另外要讚一讚，pizza個飽底做得好薄好脆。🧄🧄蒜辣白酒蜆肉意粉（$172）- 蜆肉好鮮甜，蒜蓉加埋辣椒帶少少辣🌶🌶，扁意粉好滑，呢個意粉我都俾好高分。🥃🥃Tiramisu（$88）- 分量都唔少，整得好軟滑濕潤，帶淡淡嘅酒香味。食埋呢個甜品，好圓滿嘅一餐。🍹🍹飲品要咗Tropical punch ($62)同石榴汁（$38），Tropical punch有🍎蘋果汁、🍍菠蘿汁同埋🥥椰子糖漿，味道好豐富。
🐷🐷餐廳叫得做Pizza Pig，唔使多講，pizza一定係signature嘅。不過佢個餐牌pizza嘅款式都有唔少，最後揀咗個Signature Piggie，再加個蒜辣白酒蜆肉意粉，甜品要Tiramisu。
🍕🍕Signature Piggie（$198）- 雖然只係叫咗medium size (15吋)，但上菜已經覺得相當震撼，足足霸佔咗半張枱。材料亦都好豐富，包括有手撕豬手、意大利香草肉腸、辣肉腸、火腿、燈籠椒、紅洋蔥及芝士等。Pizza面仲加咗啲炸豬皮，份外香口。另外要讚一讚，pizza個飽底做得好薄好脆。
🧄🧄蒜辣白酒蜆肉意粉（$172）- 蜆肉好鮮甜，蒜蓉加埋辣椒帶少少辣🌶🌶，扁意粉好滑，呢個意粉我都俾好高分。
🥃🥃Tiramisu（$88）- 分量都唔少，整得好軟滑濕潤，帶淡淡嘅酒香味。食埋呢個甜品，好圓滿嘅一餐。
🍹🍹飲品要咗Tropical punch ($62)同石榴汁（$38），Tropical punch有🍎蘋果汁、🍍菠蘿汁同埋🥥椰子糖漿，味道好豐富。不得不提，石榴汁入面有唔少果肉，味道清新，有驚喜。
除咗可以室內用餐，仲有少量戶外座位。環境同食物質素都唔錯，下次搵多幾個朋友試吓個30吋pizza先😆😆。
張貼
