Dozy

老友就係喜歡即興，話說發現附近有間好特別嘅名叫 Dozy的 Cafe，位於深水埗基隆街199號，約埋一齊去食嘢打卡！
去到門口完全睇唔出係一間cafe，但係入到去就充滿嬉皮士嘅感覺，好有個人風格，淨係睇幅牆畫嘅畫，已經知道唔簡單！

坐低第一件事即刻點餐！
我最鍾意食溫泉蛋🥚所以揀咗明太子醬溫泉蛋🥚蟹肉意粉🍝 好多時喺出面食蟹肉意粉，你唔會知道佢係咪真係蟹肉，但係我食得出佢嘅蟹肉係堅蟹肉🦀 你問我點解？ 你嚟試下咪知囉😆

朋友就叫咗個慢煮香草雞扒🐔牛油果醬🥑意粉
佢嘅意粉爽口得嚟唔會硬，雞扒好新鮮。仲有，佢係用新鮮牛油果🥑做醬汁，而唔係買現成嘅牛油果醬🥑
非常有誠意👍🏼

天氣凍，最好就係飲返杯熱Mocha！佢哋係用優質咖啡豆磨成的，所以飲落去好香，一啲都唔酸☕

朋友就叫咗杯 Dirty🍫凍朱古力
真心講 Cafe老闆 一啲都唔吝嗇😆你睇呢杯 Dirty佢落咗幾多朱古力粉🍫非常揼本😆

我最鍾意佢就係唔分時段，你去到想坐幾耐就坐幾耐，完全冇壓力👍🏼 喺深水埗基隆街難得有一間咁大間嘅 Cafe，又可以食意粉🍝又可以飲咖啡☕，實在難得👍🏼

最重要係食材用料一啲都唔馬虎，而且地方乾淨，成個廚房open畀你睇曬都唔怕👍🏼

仲有得 join member 儲積分，所以各位唔好食完就畀錢就走人，記得下載 QR Code 做 member 儲積分😉