金祥排骨麵

營業中

休息中

可能未係晚飯時間，黎到既時候唔多人唔駛排隊就直接入得，姐姐仲好好人咁拿拿聲執好個卡位俾我，老店既氣氛都同出面D餐廳好唔同，成餐飯不時會見到老闆同姐姐都會同D街坊傾閒計，感覺非常親切。《菜膽雲吞排骨麵》$49聽聞呢度既招牌炸排骨係用傳統方法人手揼鬆，唔加鬆肉粉，而且仲要係即叫即炸，咁當然要試試佢啦! 一上枱見到排骨係另上已經加分，炸排骨唔會因為浸係麵度而淋晒，炸漿薄身，咬落去夠香脆，肉質鬆化有肉汁，而且調味都醃得啱啱好，果然係名不虛傳~雲吞每隻都包到漲卜卜，雲吞皮薄得黎幾滑，入面包住白菜同豬肉，配左幾條肥嘟嘟既白菜做菜膽放喺側邊，好有小時候屋企食午餐既感覺。另外，我仲叫左杯豆漿飲，呢度既豆漿都唔錯，幾有豆味~見隔離幾枱都有叫紫菜腐皮卷，其實好想試埋佢，但一個人真係食唔到咁多野，唯有下次搵埋朋友一齊過黎試啦。