影片
更多
2018-07-02
1379 瀏覽
話說我都唔係第一次嚟食壽司之神，不過佢哋嘅質素得真係保持得幾好，所以每逢有慶祝嘅日子或者同啲好耐冇見嘅朋友相聚都會揀呢間餐廳聚一聚！今次就比較好彩，有機會坐係吧枱前面，一路望住師傅整，一路解釋俾我哋聽今次我哋會食邊一啲魚類今次同朋友揀咗＄1200嘅套餐，入邊包含五種刺身、五件壽司、前菜、湯、同埋海膽手卷今次有辣味嘅蒜頭同牛蒡做一個小小既前菜，我最欣賞就係佢哋自家製嘅醃漬，食落去唔會濃味，亦都保留到食材原本嘅特質前菜分別有高湯煮大根、白粟米、沖繩白苦瓜，當中我最鍾意係佢嘅白粟米，第一次食到生粟米係清甜，完全顛覆左我對粟米嘅認知！肉質肥美嘅深海池魚，咬落去肉質比較爽口，慢慢細嚐嘅時候獨有嘅魚油味會爆出嚟，食得出非常之新鮮！夏天亦都係食油甘魚最好嘅季節，對比起池魚，油甘魚嘅口感會比較軟少少，但係魚油含量更加強勁，食完兩塊真係有啲意猶未盡嘅感覺醋鰉魚食落去味道酸味味，當中亦都有細緻嘅魚味，非常之清爽嘅一件壽司北海道毛蟹，蟹味香，食蟹最麻煩嘅地方就係要剝殼，師傅好細心將所有蟹肉拆咗出嚟，載滿咁放喺個壽司上面，食落去簡直係幸福嘅感覺！食到最後梗係唔少得我哋最偉大嘅主角！吞拿魚腩，我個人就比較鍾意食
今次就比較好彩，有機會坐係吧枱前面，一路望住師傅整，一路解釋俾我哋聽今次我哋會食邊一啲魚類
今次同朋友揀咗＄1200嘅套餐，入邊包含五種刺身、五件壽司、前菜、湯、同埋海膽手卷
今次有辣味嘅蒜頭同牛蒡做一個小小既前菜，我最欣賞就係佢哋自家製嘅醃漬，食落去唔會濃味，亦都保留到食材原本嘅特質
前菜分別有高湯煮大根、白粟米、沖繩白苦瓜，當中我最鍾意係佢嘅白粟米，第一次食到生粟米係清甜，完全顛覆左我對粟米嘅認知！
肉質肥美嘅深海池魚，咬落去肉質比較爽口，慢慢細嚐嘅時候獨有嘅魚油味會爆出嚟，食得出非常之新鮮！
夏天亦都係食油甘魚最好嘅季節，對比起池魚，油甘魚嘅口感會比較軟少少，但係魚油含量更加強勁，食完兩塊真係有啲意猶未盡嘅感覺
醋鰉魚食落去味道酸味味，當中亦都有細緻嘅魚味，非常之清爽嘅一件壽司
北海道毛蟹，蟹味香，食蟹最麻煩嘅地方就係要剝殼，師傅好細心將所有蟹肉拆咗出嚟，載滿咁放喺個壽司上面，食落去簡直係幸福嘅感覺！
食到最後梗係唔少得我哋最偉大嘅主角！吞拿魚腩，我個人就比較鍾意食佢呢一個部份，中腩既位置，因為如果太肥食落去又冇咗魚肉嘅味道，太少油脂又唔香，中腩就啱啱好，當然呢一件冇令到我失望
食晒所有壽司，就輪到我哋另一個主角出場，睇吓啲海膽多到！所有海膽多超新鮮，食落去冇苦味同臭味，由頭食到落尾都係嗰種海膽嘅鮮甜，媽！我真係上咗天堂咁樣！
呢個湯就冇特別介紹俾我哋，但係飲得出係有薯仔蓉同埋用魚湯去煮，所以非常之鮮甜！
最後送上日本直送嘅巨峰提子，每一粒都超甜，用來做飯後甜品真係一流！
十
張貼
