套餐吸引，包湯同一碟菜，除咗雞之外仲有啲餸同小食。
海南雞飯最重要係隻雞（就算師父點叻都整唔好），齋睇雞皮已知唔hea做，賣相整齊唔會甩皮甩骨，入口爽，亦保留到一層膠原蛋白🤭
雞肉唔鞋唔韌有彈性，就算雞胸都對辦，唔會太生同好多血跡，食得舒服。份量嚟講正常，唔會話太少食唔飽。跟齊三款醬（薑蔥醬，酸辣醬，甜豉油醬）。
跟餐送粟米紅蘿蔔南瓜雞腳扁豆湯，夠火候夠濃，南瓜煲到溶再夾埋粟米夠哂甜。
油菜份量多～
可選配油飯或白飯。個油飯幾好食，唔係hea整！
元蹄腍夠入味，滷水味道適中。
魚香煎肉餅香口啖啖肉送飯一流。
