無辣不歡 (已結業)

係門口經過見到無辣不歡, 啱哂我, 但唔知個辣度程度係點, 所以揀左小辣試😛🔸手撕雞撈烏冬/冷麵呢次有D驚喜, 係夾雜胡麻醬加小小辣, 第一次咁樣食, 味道好夾, 手撕雞份量都頗多, 烏冬口感煙靭彈牙, 煮得岩岩好🔸蒜泥白肉青瓜卷好有心思, 用白肉包住兩舊青瓜, 上面再有一層厚厚既蒜茸加埋特製調味料醬汁, 口感豐富, 清爽香辣, 完全無油膩感, 開胃菜必點😋🔸雙併小食（麻辣豬耳、麻辣豬脷） 豬耳爽, 咬到骨, 蒜香味好重, 豬利食落彈牙, 無內臟嘅腥味, 出色😍🔸麻辣土豆絲 土豆絲完全吸收哂麻辣調味, 食完一啖, 緊接就有後勁既辣, 充滿左濃郁嘅麻辣風味, 岩哂食辣既我